Kuia eta ganbak pastela

Etxean liburu berezi bat daukagu, “Karlos Arguiñano zure sukaldean”, etxean izan genuen lehendabiziko sukaldaritzako liburua delako. Garai batez, gure liburu nagusia izan zen, bere orrialdetatik errezeta ugari atera genituelako. Gaur hemen azaltzen dizuegun errezeta haietako bat da, bere izena “Kuia eta ganbak pastela” izanik.

Bi pertsonentzako platera prestatzeko osagaiak honako hauek dira:

½ kg. Kuia

8 ganba

3 arrautza

100 ml. Esne-gain

2 porrua

Tipulina erdi bat

Irina koilarakada bat

Gurina

Ura, olioa, gatza 

Ezer baino lehen, aurretik labea 200 gradutara berotuko duzue. Berotzen den bitartean, kuia kubo txikietan moztuko duzue. Labea beroa dagoenean, kuia moztuta jarriko duzue katilu batean eta hau labean sartuko duzue, han 15 minutuz utziz 180 gradutara. Denbora hau pasa eta gero, kuia gorde ezazue eta, hotza dagoenean, sardexka batekin zapaldu ezazue.

Segidan, porruak eta tipulina ondo garbituko dituzue. Hori eginda dagoenean, bi gauzak txikituko dituzue eta, gero, dena jarriko duzue kazola batean urreztatzeko. Kolore aldatzen denean, irin koilarakada bat gehituko eta prestatzen jarraituko duzue.

Minutu pare bat pasa eta gero, urarekin estaliko duzue eta su motelean prestatzen utziko duzue (15 edo 20 minutuz). Azkenik, dena irabiatuko duzue irabiagailu elektrikoarekin.

Bol batean, arrautzak irabiatuko dituzue esne kremarekin. Ondo lotuta dagoenean, kuia gehituko duzue eta ondo nahastuko duzue.

Segidan, labeko molde bat igurtziko duzue gurinarekin. Gero, kuiako eta arrautzetako nahasketa gehi ezazue, jar itzazue barruan ganba soil eta garbiak. Dena prest dagoenean, jar ezazue moldea Maria bainuan labean 40 minutuz 180 gradutara.

Behin epelduta, bakarrik aurkeztea falta izango zaizue eta, horretarako, hau proposatzen dizuegu:

On egin!!

Mallorcako Tumbeta

Garai hauetan, birziklatze-sukaldaritza garrantzi gehiago hartzen du egunero, are gehiago plater tradizional bat mantentzeko baliogarria baldin bada. Gaur aurkezten dizuegun errezetarekin, bi gauzak lortzen ditugu aldi berean, plater begetariano bat prestatzen dugun bitartean. Gaur gure “Mallorcako Tumbet”-aren bertsioa aurkezten dizuegu.

Tumbeta Katalunian prestatzen den sanfainarekin, ratatouille frantziarrarekin edo pisto espainiarrarekin erlazioa dauka. Duela urte asko, baserritarrek plater hau baratzeko soberakinekin lantzen zuten.

Bi pertsonentzako anoa prestatzeko, hurrengo osagaiak erabiliko ditugu:

2 patata ertainak

Alberjinia ertain bat

Kuiatxo bat

Piper gorri erdia

Tipula erdia

200 ml tomate xehatua

Baratxuri ale bat

Gatza

Olioa

Hasteko, barazkiak xerretara moztuko ditugu (gutxi gora behera, zentimetro erdiko lodiera izan behar dute) eta gatza pixka bat botako diegu.

Aurreko pausoa eginda dagoenean, zartagin bat jarriko dugu sutara olio kopuru egoki batekin eta, olioa beroa dagoenean, patatak jarriko ditugu frijitzeko. Frijituak daudenean, patatak katilu batean paper xurgatzailearekin gordeko ditugu.

Ondoren, eltze batean xaflaz moztutako tipula egostera jarriko dugu ondo txikituta dagoen baratxuri atal batekin batera. Kolorea aldatu denean, birrindutako tomatea gehituko dugu gatz pixka batekin, nahasketa su motelera prestatzen uzten 15 minutuz.

Tomatea prestatzen den bitartean, alberjinia xerrak, kuiatxoa eta piper gorria frijituko ditugu. Prestatuak daudenean, paper xurgatzailean jarriko ditugu ere.

Orain, bakarrik platera aurkeztea falta zaigu eta hori egiteko, barazkiak jarriko ditugu geruzengatik, hau da: patatak oinarri bezala erabiliko ditugu, gainetik alberjinia, kuiatxoa eta piper gorria kokatuz, amaitzeko dena tomate saltsa erabiliz koroatuz.

Hau da emaitza posible bat:

Tumbeta har dezakezue horrela, edo labean 5 minutuz ipiniz mahaira jateko eraman baino lehen.

On egin!

Alberjinia-ogi txigortuak

Orain dela egun batzuk, Samantha Vallejo-Nageraren liburu bat agertu zen etxean (bai, “Masterchef”eko epaimahaikidea) errazak eta azkar prestatzeko idealak diren errezeta pilo batekin, guri gustatzen zaizkigunak bezalakoak.

Errezeta guztien artean, noizbait afaltzeko ideala iruditu zitzaigun batekin topo egin genuen: “Alberjinia-ogi txigortuak”.

Etxean osagai guztiak genituenez gero, gure bertsioa prestatzen hasi ginen, eta gaur zuei azalduko dizuegu nola egin. Lau ogi txigortutarako, hurrengo osagaiak beharko ditugu:

2 Alberjinia

4 baserriko ogi-xerra

8 olibak beltzak

Buffalako mozzarella bola bat

Baratxuri ale bat

Piperrauts gozoko kafe koilarakada bat

Kuminoko kafeko koilarakada erdi bat

Limoi erdiko zukua

Albaka freskoko orri batzuk

Perrexil pixka bat

Gatza

Piperbeltza

Olioa

Hasteko, alberjiniak ondo garbituko ditugu, erditik moztuko ditugu eta mamia markatuko dugu ganibet batekin. Eginda dagoenean, labean jarriko ditugu ordu erdiz, 180 gradutara.

Denbora hau pasatu eta gero, alberjiniako mamia kenduko dugu eta bol batean gordeko dugu.

Bol berean gehituko ditugu: birrindutako baratxuria, perrexil pixka bat, limoi zukua, piperrautsa, kuminoa, gatza pixka bat, beste piperbeltz apur bat eta oliba-olio zurrusta bat eta azkenean, irabiagailu elektrikoa erabiliz, dena xehatuko dugu krema trinkoa eta uniformea lortu arte.

Eginda daukagunean, mozzarella bolako bolatxoak (edo kubo txikiak) aterako ditugu eta olibak erditik moztuko ditugu.

Gero, ogi-xerrak txigortuko ditugu eta alberjinia-kremaz igurtziko ditugu.

Azkenik, mozzarella bolatxoak eta olibak sakabanatuko ditugu gainetik eta albaka hostoarekin apainduko dugu.

Hau gure emaitza izan zen:

On egin!!

Aran marmelada

Urte bakoitza bezala, Interneteko txoko txiki honetara bueltatzen gara merezi genuen oporraldi bat hartu eta gero, eta ideia batzuekin buruan bueltatu izan gara. Ea aurrera eramatea posiblea den inongo arazorik gabe.

Oraingoz, errezeta berri bat aurkezten dizuegu. Seguru gaude errezeta erraz hau ia pertsona guztien gustukoa izango dela zuen gosariei aire berria ekartzen dien aldi berean. Bai, gaur “Aran marmelada” prestatzea proposatzen dizuegu.

Marmelada hau egiteko hurrengo osagaiak behar ditugu:

Aran kilo bat (azalik eta hezurrik gabe)

300 g. azukrea

Limoi erdiko zukua

Segidan ikusiko duzuenez moduan, urrats gutxitan marmelada bat izango dugu, gainera, ia-ia guztiei gustatuko zaie.

Hasteko, bol batean osagai guztiak jarriko ditugu eta espatula batekin guztia ondo nahastuko dugu, lotuta eta homogeneoa den ore bat lortu arte. Lortzen dugunean, su ertainetara ipiniko dugu lapiko batean, bueltak emateari utzi gabe.

Ordu erdia pasatuta, lapikoa sutatik erretiratuko dugu eta hozten utziko dugu.

Azkenik, bakarrik potetan sartzea falta izango zaigu. Hori egiteko, hiru marmelada bote esterilizatuak hartuko ditugu (hau da, lehendabizi 20 minututan zehar egositak izan direnak), marmeladaz beteko ditugu eta Maria bainuan egostera ipiniko ditugu 20 minutuz.

Hona hemen emaitza posible bat:

On egin!!

Gazpatxoa

Gaur, gure “udarako plater freskoen” bildumarekin jarraituko dugu. Hori dela eta, klasiko bat dakarkizuegu, Espainiako sukaldaritzaren klasikorik handiena hain zuzen ere, “Gazpatxoa”.

Errezeta hau erraza eta freskagarria da aldi berean. Jakin nahi duzue nola egin prestatu behar den? Ba, begira ezazue jarraian azaltzen dizkizuegun pausoak…

Lehendabizi, erabiliko ditugun osagaiak honako hauek izango dira (bi pertsonentzako anoa prestatzeko asmoarekin, noski):

Oso helduak dauden 6 tomate

Pepino erdia

Piper berdeko zati bat

Baratxuri-atal bat

Moldeko ogia xerra bat

Olioa

Ozpina

Gatza

Hasteko, tomateak garbituko ditugu. Hori eginda daukagunean, tomate bakoitza lau zatitxoetan moztuko dugu, zurtoina kenduz. Jarraian, pepinoa lumatuko eta zurituko dugu baratxuri atalarekin eta piperrarekin batera.

Dena irabiagailuaren basoan jarriko dugu, moldeko ogia xerra bat, olio zorrotada bat, gazta eta ozpina gehituz. Zentzu honetan, kontuz ibili, dena krema homogeneo bat lortu arte irabiatu beharko dugulako.

Irabiagailutik guztia pasatu eta gero, nahasketa hozkailuan sartuko dugu, gutxienez ordu pare bat barruan utziz ondo hozteko.

Orain bakarrik aurkezpena egitea falta zaigu, eta, horretarako, urdaiazpiko iberiko txirbilak ogi-pusketa frijitu batzuekin batera erabiltzeko aukera daukagu.  

On egin!!

Vichyssoise

Gaur, nahiz eta nahiko arraroa izan, beste krema baten errezeta azalduko dizuegu. Bai, oraingo honetan klasiko frantziar bati buruz hitz egingo dugu: "Vichyssoise". Krema hau bai hotza bai beroa hartu ahal dezakegu, berez, alegiazkoa da bai udarako baita negurako.

Errezeta hau prestatzea oso erraza da, benetan. Bakarrik hurrengo osagaiak erabiliko ditugu (bi pertsonentzako, noski):

2 porru
100 ml. esne krema

Patata ertain bat

Tipulin bat

Barazki saldako litro erdi bat (edo oilaskoko salda)

150 ml. Esne krema

15 g. gurina

Gatza, piperbeltza

Olioa

Lehendabizi egingo duguna patata egostea izango da. Hori egiteko, patata zurituko dugu eta eltze batean ur gaziarekin 20 minutuz egosten utziko dugu.

Bitartean, porruak ondo garbituko ditugu (sustraiak moztuko ditugu eta lurra ondo kenduko diegu). Eginda dagoenean, porruak eta tipula moztuko ditugu xafletan. Ondoren, eltze bat jarriko dugu sutara gurinarekin eta olio-koilaraka batekin. Beroa dagoenean, porruak eta tipula gehituko ditugu eta utziko ditugu su motelean, haien kolorea aldatu arte.

Hori eginda daukagunean, barazki salda gehituko dugu eta 20 minutuz utziko dugu su motelean.

Denbora pasa eta gero, eltzea sutatik erretiratuko dugu eta esne krema gehituko dugu, guztia ondo nahasten. Gero, irabiagailu elektrikoa erabiliz barazkiak xehatuko ditugu, krema homogeneo bat lortu arte.

Bakarrik gauza bat falta zaigu, gatza eta piperbeltza zuzentzea eta hozkailuan sartzea.

Hau da emaitza posible bat:

On egin!!

Kuia krema

Gaur “Kuia kremaren” errezeta ekartzen dizuegu, oso erraza eta azkarra izateagatik azpimarragarria dena. Ziur gaude, gainera, pertsona gehienen gustukoa izango dela.

Hurrengo osagaiak erabiliko ditugu bi anoetarako:

750 g. kuia (azalik eta hazirik gabekoa)

Tipula erdia

100 ml. Ura

Olioa

Gatza

Piperbeltza (aukerakoa)

Lehen komentatu dizuegun moduan, errezeta hau prestatzea oso erraza da.

Egingo dugun lehendabiziko gauza eltze azkar bat sutan ipintzea izango da, olio zorrotadatxo batekin batera. Olioa beroa dagoenean tipula txikituta gehituko dugu. Tipula kolorez aldatu denean, kuia kuboz moztuta gehituko dugu, ura eta gatza pixka bat botatzen aldi berean. Hori eginda daukagunean, eltzea itxiko dugu eta 5 minutuz utziko dugu irakinez.

Bakarrik gauza bat falta zaigu, eltzea sutatik erretiratzea eta noski, irabiagailu elektrikoa erabiliz barazkiak xehatzea.

Nahi izatekotan, puntu honetan piperbeltza pixka bat bota dezakezue (puntu berezi bat eman dio kremari).

Hau da emaitza posible bat:

Kuia kremako anoa bat

On egin!!

Arrautza puskatuak gulak eta izokin ketua txirbilekin

Oroitzen zarete orain dela hilabete batzuk gune honetan aurkeztu genituen arrautzengatik? Bai, ezta? “Arrautza puskatuak urdaiazpiko txirbilekin” prestatzeko erabili genuen errezeta primerakoa da, zaporetsua, erraza, berezia…

Aurreko egunean, etxean pentsatzen geundela, errezetari buelta bat ematea erabaki genuen, eta urdaiazpikoa itsasoko osagai pare batengatik aldatzea erabaki genuen. Eta lortu genuen emaitza hain berezia iruditu zitzaigunez, errezeta esparru honetan argitaratzea erabaki dugu.

Errezeta hau egiteko bi pertsonentzat, hurrengo osagaiak erabiliko ditugu:

4 Arrautza

2 Patata handia

150 g gula

100 g izokin ketua moztuta

Pipermin bat

Baratxuri atal bat

Gatza

Olioa

Lehenengo urratsa patatak zuritzea da eta, hori egin eta gero, patatak garbituko ditugu  geroxeago makilatxoetan moztuz. Bitartean, zartagin bat olio askorekin sutan ipiniko dugu, olioa berotu arte.

Olioa beroa dagoenean, patatak zartaginean ipiniko ditugu behar bezala urreztatu arte, hori bai, noizean behin nahasteaz ez zarete ahaztu behar. Patatak urreztatuak daudenean, plateretan banatuko ditugu.

Soberako oliotan, zerrendetara moztutako pipermina eta baratxuri atala jarriko ditugu. Apur bat urreztatzen direnean, “gulak” gehituko ditugu eta minutu pare batez sutan mantenduko ditugu. Azkenean, gulak sutatik aldenduta pataten gainean jarriko ditugu. Gauza bera egingo dugu izokin ketuarekin (Kontuz! Osagai hau zartaginetik ez duzue pasatu behar!).

Momentu honetan azken urratsa falta zaigu, bai, arrautzak frijitzea.

Arrautzak frijitzeko, zartagin bat olio askorekin jarriko dugu sutan. Olioa beroa dagoenean, arrautza bat bota zartaginean gatz pittin batekin eta suan utziko dugu arrautza ondo frijitu arte. Hori gertatzen denean, arrautza kenduko dugu sutik espatula bat erabiliz eta pataten gainean arrautza frijitua jarriko dugu. Urrats hori egin beharko dugu arrautza bakoitzarekin.

Bakarrik gauza bat falta zaigu errezeta amaitzeko, arrautzak puskatzea. Eta hori egiteko metodo pilo bat dugu, guk erabiliko dugu koilara bat. Bai, ondo irakurri duzue... koilarekin arrautzak moztuko ditugu eta gero guztia nahastuko dugu.

Eta hau da, emaitza posible bat:

On egin!!

Izokin tartar sagar garratzarekin eta ahuakaterekin

Noizean behin, gure sukaldean gauza berriak prestatzea gustatzen zaigu, betiko platerengatik irteteko asmoarekin. Pasa den asteburuan, aspalditik arreta deitzen zigun errezeta bat prestatzen saiatu ginen, izokin tartar bat.

Bai, ondo irakurri duzu: tartar bat, hori bai, tartar berezi bat, sagar garratza eta ahuakatea daramatzalako. Segidan ikusiko duzuen moduan, plater fresko eta erraz baten aurrean gaude.

Plater hau prestatzeko, hurrengo osagaiak erabiliko ditugu (2 pertsonentzat):

2 izokin xerra

Sagar garratz bat

Ahuakate bat

Tipulin txiki bat

Dijoneko ziape kafe koilarakada bat

Limoi erdia

Gatza

Piperbeltza

Ez da zaila, gainera ez duzue sua ezertarako erabili behar, bakarrik ondo zorroztutako ganibet bat erabili beharko duzue. Prest zaudete? Bai, ba… aurrera!!

Hasteko, izokin xerrak prestatuko dituzue. Hori egiteko, izokina garbituko duzue, azala eta hezur guztiak kenduz. Kontuz, azken zati hau oso garrantzitsua delako.

Ondoren, izokin zerrak kubo txikietara moztuko dituzue (zentimetro erdikoak gutxi gorabehera) eta bol batean jarriko dituzue. Hori eginda dagoenean, tipulina moztuko duzue kubo txikietan baita (izokin kubo txikien tamainara) eta bolean beste osagaiekin batera ipiniko duzue. Sagarrarekin gauza bera egingo duzue. Azkenean, gatza eta piperbeltz apur bat gehituko dituzue Dijoneko ziapeko kafe koilarakada batekin batera, eta guztia ondo nahastuko duzue eskuekin (kontuz izokina ez apurtzearekin).

Momentu honetan, bola filmatuko duzue eta hozkailuan ipiniko duzue platera aurkezteko ordua heldu arte.

Bitartean, ahuakatea prestatuko duzue eta, horretarako, ahuakatea kubo txikietan moztea beharrezkoa da. Kubo txikiak gordeko dituzue katilu batean limoi txorrotada batekin.

Bakarrik gauza bat falta zaizue, platera aurkeztea eta, hori egiteko, oinarria lehen egin ditugun ahuakate kubo txikiekin prestatuko duzue eta, bere gainean, izokina, sagarra eta tipulina ipiniko dituzue.

Honako hau aurkezpen posible bat da:

Izokin tartar sagar garratzarekin eta ahuakaterekin 

On egin! 

Takoak guacamolearekin

Afari bat lagunekin antolatzen denean beti galdera berberaren agerpenari aurre egin behar zaio: “Eta… Zer prestatuko dugu afaltzeko?” Nahiz eta Italian egiten den sukaldaritza gure gustukoa izan, noizean behin putzua gurutzatzen dugu eta errezeta mexikar batekin ausartzen gara. Horregatik, aurreko egunean “Takoak guacamolearekin” prestatu genituen.

Tako hauek hain errazak direnez mahaian izaten duten arrakasta ustekabean harrapatzen gaitu normalean, baina, horri esker afari informaletarako plater hau ideia jenial batean bihurtu da.

8 tako prestatzeko (hau da, 4 pertsonentzako anoa), hurrengo osagaiak behar izango ditugu:

Etxean prestatutako guacamolea

Artozko 8 tako

300 gr. Oilasko bularkia

Letxuga erdia

Sal

Piperbeltza

Oliba olioa

Lehendabiziko urratsa bularki xerrak tira luzeetan moztuko ditugu, gatza eta piperra bakoitzaren gustura botatzen eta, geroxeago, plantxan su handian ipiniz. Oilaskoa prestatzen den bitartean, letxuga garbituko dugu eta bol batean sartuko dugu, gatza eta olio nahikotxo bere gainetik botaz, azkenik nahasketa guztia ondo nahastuz.

Bitartean, takoak berotuko ditugu eta, horretarako, guk labea erabili genuen, baina zuek momentu hartan labea erabiltzeko asmoa ez baldin badaukazue mikrouhin-labea erabiltzeagatik ez dago inongo arazorik.

Oilaskoa prest dagoenean, takoak muntatzen hasiko gara eta, horretarako, letxuga pixkatxo bat ipiniko dugu takoaren erdialdean, honen gainean guacamoleko kopuru handi bat, azkenik nahi dituzuen oilasko tirak ipiniz, hurrengo argazkian ikusten den moduan:

Takoak muntatzen ari gara

Bukatzeko, takoak biribilkatuko ditugu eta katilu polit batean aurkeztuko ditugu.

On egin!!

Krema katalana

Postreei buruz hitz egitea sarritan zerbait korapilatsua izan daiteke, ia guztiok gure postrerik gogokoenak ditugulako, flanetatik tiramisuetara joaten, korapilatsuak diren gauza batzuengatik pasatuz, adibidez, goxua edo Panna Cotta. Gaur, txoko txiki honetan argitaratutako lehendabiziko 100 sarrerak ospatzen ditugun bitartean, postre klasiko baten errezeta azalduko dizuegula guretzat hain berezia den egun honetan pentsatu dugu, bere izena “krema katalana” izanik.

Krema katalana on bat egitea azkenean lortuko duzuen zapore miresgarri hori destatzea bezain erraza da, segidan ikusi ahal izango duzuen moduan.

Postre hau prestatzeko, hurrengo osagaiak erabiliko ditugu (6 anoatarako) :

Esne litro bat

200 g. azukrea

6 arrautza gorringoa

40 g. gari irina

Limoi baten azala

Kanela adar bat

Egingo dugun lehena esnearen ¾ berotzea izango da, limoiko azala eta kanela adarra gehituko ditugu. Nahiz eta asko berotzea beharrezkoa izan, esnea irakite puntura ez dugu eraman behar, soilik usaina eman nahi diogulako.

Bitartean, gorringoak zuringoengatik bananduko ditugu, lehendabizikoak bol batean utziz segidan irabiatzeko, gero soberan izan dugun esnea eta azukrea gehituko ditugu eta nahasketa berriz ondo irabiatuko dugu nahaste uniforme bat lortu arte.

Dena nahasita dagoenean gari irina gehituko dugu eta berriro ondo irabiatuko dugu, irina ondo desegin arte.

Beste bol batean, esne beroa iragaziko dugu (kanelako eta limoiko azaleko garbitzeko) eta iragazkiagatik pasatutako arrautza nahastea gehituko dugu, segidan gauza hauek guztiak irabiatzeko.

Eginda dagoenean, nahasketa lapiko batean sutara jarriko dugu eta ondo nahastuko dugu (itsasteko arriskua saihesteko) loditzen hasi arte. Momentu honetan, sutatik aterako dugu eta buztin-kazolatxoetan edo postretako plater batzuetan bananduko dugu.

Puntu honetan bakarrik krema hoztea falta izango da eta, hori egiteko, kazolatxoak filmatuko ditugu (krema lehor dadila saihesteko) eta hozkailuan jarriko ditugu.

Gutxienez lortu behar duzuen emaitza horrelakoa izan beharko zen:

Beno, ziur aski, gaileta edo “carquinyoli” batzuekin krema osatzeko hobeto gera daiteke.

Zuek apainketa jartzen baldin baduzue, kremaren lehendabiziko anoara gonbidatzen zaituztegu gure lehen 100 sarrerak ospatzeko. Zer iruditzen zaizue?

On egin!!

Gazta fresko eta fruitu gorriko kopa

Gaur ekartzen dizuegun errezeta orain dela lau urte egin genuen lehendabiziko aldiz. Postre berezi bat dela esan behar dugu, erakargarritasun ugari duten horietako bat, garraztasun eta freskura konbinazio batekin norbait axolagabe uzteko gaitasuna ez dutenetarikoak. Guk “Gazta fresko eta fruitu gorriko kopa” deitzen diogu.

Izenagatik zerbait korapilatsuak dirudite, baina ikusiko duzue nola horrela ez denik. Hurrengo osagaiak behar izango dituzue sei kopa prestatzeko:

400 g. basoko fruituak freskoak edo izoztuak  

400 g. gazta freskoa (edo igurtziko gazta)

2 laranja zuku koilarakada (whiskia ere erabili dezakezue)

100 g. gaileta

80 g. azukrea

2 arrautza

Limoi 1

Gurina

Badakigu osagaiak ikusi bezain laster oso korapilatsua irudi daitekeela, baina lasai egon ez delako horrela, bakarrik 40 minututan eta hiru urratsekin errezeta hau atera ahal izango duzue eta jai postre honekin gozatu. Hartara goaz?

Egingo duzuen lehendabiziko pausoa basoko fruituak aurrez desizoztuta bol batean jartzea izango da, limoi-birrindura, azukreko 20 gramo eta zukua (edo likorea) segidan gehituz. Beste bol batean gazta freskoa, azukrea eta arrautzak nahastuko dituzue.

Jarraian fruituak banatuko dituzue edalontzi edo kopetan (kontuz ibili, beroa jasateko gaitasuna izan behar dutelako) eta gaztarekin egindako nahasketarekin estaliko dituzue. Labean prestatuko dituzue, aurrez berotuta, 150 gradutara, gutxi gora behera 30 minututan zehar.

Azkenik, gailetak txikituko dituzue eta desegindako gurina gehituko duzue. Nahaste hau txigor ezazue labeko 10 minutuz, aurreberotuta 200 gradutara eta hoztea utz ezazue.

Azkenik, gailetak kopetan banatu itzazue eta zerbitzatu ezazue.

Frogatzeko gogoekin?

On egin!!

Errege erroska

Azken Gabonetan, Gironellatik paseatzen genuen bitartean, iragarki batek gure arreta deitzea lortu zuen. Iragarkian, non bakarrik “Errege erroska ikastaroa” irakurri ahal zen, oraindik erakargarriagoa iruditu zitzaigun kontuan izan genuelako orain duela urte parte bat “Errege erroska” prestatzen saiatu ginela, onargarria zen zerbait lortuz azken emaitza bezala. Azkenik, izenak eman genituen eta gaur, atzerapen “pixkatxo batekin” (eskuzabalak izaten, noski…) bai errezeta, baita azkenean lortu genuen emaitza azalduko dizkizuegu.

Erroska hau dastatu ahal izateko, hurrengo osagaiak beharko ditugu:

Masa ama egiteko:

• 90 g. irina
• 50 g. esnea
• 2 g. legamia freskoa (okineko irina)

Erroska egiteko:

• 340 g. indar irina
• 120 g. esnea
• 10-15 g. legamia freskoa (okineko legamia)
• 80 g. azukrea
• 60 g. gurina
• Limoi bateko birrindura
• Bi arrautza
• Kanela adar bat, limoiko edo laranja azala
• Gatz apur bat

Errezeta hau bere denbora darama, soingaineko atsedenentzat bere faseen artean. Masa ama eginez hasiko gara. Horretarako lehen aipatu ditugun hiru osagaiak nahastuko ditugu masa liso eta konpaktua lortu arte. Lortzen dugunean, masa atseden hartzen utziko dugu 3 ordu gutxienez, kotoi oihal batekin estalita. Egun bat lehenago egin dezakezue ere, hori bai, masa kotoi oihal batekin estalita hozkailuan gorde behar duzue, eta erabili baino lehen, giro-tenperaturan utziko beharko duzue ordu erdiz.

Denbora hau pasatu eta gero, erroska jarraitzeko aukera izango duzue. Hori egiteko, hurrengo 9 pausoak jarraitu beharko dituzue:

1. Bol batean osagai lehorrak jarriko dituzue, hau da: irina, limoi bateko birrindura, legamia freskoa, azukrea eta masa ama (hau imurtxietara gehituko dugu).
Osagai lehorrak nahastuko dituzue eta haiekin sumendi bat egingo duzue. Kraterrean gehituko dituzue: arrautzak eta esnea (oso astiro, seguruena guztia erabiltzea beharrezkoa ez delako izango), eta eskuz ondo oratuko duzue 10 minutuz.

Gurina imurtxietara gehituko duzue eta oratzen jarraituko duzue gurina erabat osatu arte.

Masa kotoi oihal batekin estaliko duzue eta, ordu bat eta erdiz deskantsatzen utziko dugu.

Berriro oratzea eta, amaitzerakoan 10 minutuz atseden hartzea utzi, kotoi oihala batekin estalita.

Erroska forma ematea (zuloa erdian utziz) eta garaitutako arrautzarekin margotzea.

Masa estaliko dugu kotoi oihal batekin eta ordu eta erdi bat deskantsatzen utziko dugu.

Berriro arrautzaz margotzea, izoztutako fruituak banatzea eta azukreaz hautseztatzea.

Labea 185 gradutara berotzea. Bero dagoenean, 180 gradutara jaitsiko duzue, goiko eta beheko aireztapena ipiniz, eta erroskoa erdialdeko saretan sartuko duzue. 15 minututan (20 maximoan) erroskoa prestatuta egongo da eta atera ahal izango duzue.

Aurten, horrela atera genuen:

Gustatzen zaizue?

On egin!!