Udare eta Gorgonzola gaztako quiche

Afaltzeko plater bat aurkitzea zaila da, are gehiago azkarra eta zaporetsua izatea nahi badugu. Horregatik, “Quiche” errezeta aurkitzen genuenean, mundu berri bat ireki zen gure aurrean.

Azkenaldi honetan, plater honen bariante asko dastatu ditugu, adibidez: lau gaztakoa, izokin eta porruzkoa, kuiatxo eta brie gaztakoa edo Lorraine izenekoa, guztien artean ospetsuena. Guztiak antzekoak, guztiak desberdinak, guztiak bereziak.

Gaur, segur aski guztiko errezetarik bereziena azalduko dizuegu, bi kontraste zaporerekin. Gaurko errezeta da: “Udare eta Gorgonzola gaztako quiche”.

Bertsio hau egiteko, hurrengo osagaiak erabiliko ditugu:

Hostorezko masa disko bat

2 arrautza

2 udare konferentzia

100 gr Gorgonzola gazta

200 ml esne-gain

Olioa edo gurin pixka bat

Gatza

Ezer baino lehen, labea berotuko dugu (gutxi gorabehera 200 gradutara). Berotzen den bitartean, labeko molde biribil batean hostorezko masa diskoa ipiniko dugu eta, hori eginda daukagunean, hostorezko masa zulatuko dugu sardexka baten laguntzarekin.

Hori eginda daukagunean, gazta zatitxoak txikituko ditugu, segidan hostoreagatik banatzen hasteko. Gero, udareak zuritu eta kubo txikietara moztuko ditugu eta, gaztarekin egin dugun moduan, hostoreagatik banatuko ditugu.

Bitartean, katilu batean arrautzak botako eta irabiatuko ditugu, tortilla bat prestatzea nahi izango bagenu bezala. Irabiatuak daudenean, esne-gaina gehituko dugu eta pixka bat nahastuko dugu. Azkenean, nahasketa hori hostorearen gainean gehituko dugu.

Azkenik, labean egosiko dugu orea, gutxi gorabehera 25 minututan zehar, 180 gradutara.

Hemen daukazue emaitza posible bat:

Benetan, plater hau oso desberdina eta dibertigarria da. Dasta ezazue!!

On egin!!

Bakailaoa ‘à brás’

Herri bakoitzak, eskualde bakoitzak baita kasu batzuetan herri bakoitzak ere bere plater tradizionalak dauzka, eta guri plater horiek estalgabetzea eta dastatzea asko gustatzen zaigu. Horregatik, gaur gure sarrera Portugali eskaini nahi diogu eta, hau egiteko, hobeto darabiltzaten produktuetako bat erabiliko dugu: bakailaoa.

Bai, bakailaoa herrialdearen platera da Portugalen, eta guk gaur bere errezeta ospetsuenetako bat azalduko dizuegu: “Bakailaoa ‘à brás’”.

Bi anoatarako hurrengo osagaiak erabiliko ditugu:

2 bakailao-bizkar zati

3 patata ertain

4 arrautza

Tipula ertain bat

Oliba beltzak

Perrexila

Gatza

Piperbeltza

Olioa

Hasteko, bakailaoa prestatuko dugu. Hau egiteko, bakailaoa ura irakiten daukan eltze batean ipiniko dugu eta han utziko dugu minutu pare bat (edo bakailao xaflak askatzen hasten diren momentura arte), une horretan bakailaoa gordeko dugu. Hozten denean, bakailao-hezurrak eta azala kenduko ditugu, eta berriro gordeko ditugu.

Urrats hau bukatu eta gero, tipula moztuko dugu eta patatak birrinduko ditugu (edo patata lastoak egingo ditugu). Zartagin batean olio asko jarriko dugu eta, beroa dagoenean, patatak botako eta frijituko ditugu, azkenik erreserbatuko ditugu.

Azkenik, patatak prest daudenean, tipula eta bakailaoa gehituko ditugu zartaginean eta han utziko ditugu minutu pare batez, energiaz eraginez. Bakailaoa su leunetara egosten den bitartean, irabiatuko arrautzak gehituko ditugu gatz eta piperbeltz apur batekin. Minutu pare batean, sutatik kenduko dugu eta gordeko dugu.

Guk, platera aurkezteko molde zirkular bat erabili genuen, laurdenetara moztutako oliba beltzak gehitu genituen eta, azkenik, txikitutako perrexilaz hautseztatu genuen.

Hau azkeneko emaitza izan zen:

On egin!!