Menu berezi bat planifikatzea zaila da, are gehiago menu hori Urteberrikoa baldin
bada. Aurten, postre berri eta fresko batekin topo egin genuen, eta gure asmoa
zerbait freskoa eta jai hauetan prestatzen diren gozo tradizionalak baztertzea
zenez, gure aurrean geneukagun errezeta erakargarri hori oso egokia iruditu
zitzaigun. Arrazoi hauek guztiengatik, “laranja pastel” bat prestatzea erabaki
genuen. (edo “laranja torta Portugaldarra).
Errezeta hau da guri gustatzen zaizkigunen artean dago, hau da, erraza,
zaporetsua eta sorgintzen gaituen etxeko ukituarekin. Gainera, ijito-beso
tipiko horiek burura ekartzen dizkigu, baina bere freskura askoz nabarmenagoa
izanik.
Errezeta hau prestatzeko, honako osagaiak erabiliko ditugu:
8 arrautza
80 g gurina
320 g azukrea
2 zuku-laranja
Irina koilarakada bat
Ikusten duzuen moduan, osagai hauekin ez dugu pastel tipiko bat lortuko,
hobeto esanda, budinaren eta laranjazko bizkotxoaren arteko nahaste bat izango
da. Baina beno, seguru gaude edonor gustuko izango duela.
Lehendabiziko pausoa laranjak birrintzea izango da, hori bai, bakarrik bere
azalaren parterik laranjena erabiliz (zuria, normalean mingotsa da), eta
birrindura erreserbatuko dugu. Hori eginda dagoenean, bi laranjei zukua aterako
diegu eta erreserbatuko dugu ere bai.
Jarraian, labea 180 gradutara, goiko eta beheko beroarekin, berotzera
jarriko dugu. Ostean, labeko erretilua hartuko dugu eta labe-paperarekin
forratuko dugu. Azkenik, gurin kapa fin bat zabalduko dugu paperaren gainean
eta, lehen egin dugun moduan, erreserbatuko dugu.
Bol handi batean, arrautzak, laranjetako birrindura eta azukrea jarriko
ditugu eta, irabiagailua erabiliz, osagai guztiak nahastuko ditugu. Dena ondo
integratuta dagoenean eta irabiatzeari utzi gabe, desegindako gurina,
laranjetako zukua eta irin koilarakada bat gehituko ditugu, osagai guztiak ondo
irabiatuz erabat osatuta dauden momentura arte.
Nahasketa amaitutzat ematen dugunean, aurrez aurretik labeko paperarekin
forratu dugun labeko erretiluaren gainean botako dugu. Gero, kontu handiz, erretilua
labearen erdialdean jarriko dugu, han 25 minutu inguru mantenduz. Azkenik,
labetik ateratzerakoan, hozten utziko dugu.
Hozten den bitartean, trapu garbi bat destolestuko dugu sukaldeko
estalkian, eta haren gainean, azukre kantitate eskuzabala ipiniko dugu. Behin
eginda dagoenean, labe-erretilua irauliko dugu bat-batean, papera kenduko dugu
eta poliki-poliki bilduko dugu.
Azkenik, gure ukitu pertsonala emango diogu, hautseko kanela pixka bat
botatzen eta katilu polit batean aurkeztuz:
Hozten den bezain pronto, bakarrik mahaian gozatzea faltako zaigu.
On egin!!