2013-05-31

Espageti beltzak izokin ketu kremarekin eta ganbekin

Aurreko egunean etxean gozatu nuen. Oraindik biboteak berriz milikatzen ari naiz!! Nire jabeek pastako plater berezi bat prestatu zuten... pasta beltza, izokin ketua.... buahh!!

Pare horrek plater hau izen honekin bataiatu zuten: “Espageti beltzak izokin ketu kremarekin eta ganbekin”.

Errezeta hau prestatzea oso erraza da. Hurrengo osagaiak erabili zituzten (bi pertsonentzat):

200 g. espageti (beltzak)
150 g. izokin ketua
125 ml. esnegaina
6 ganbak (edo otarrainxkak)
Ereinotz hosto bat
Gatza
Olioa
Piperbeltza

Eltze batean ura, gatza eta ereinotz hostoa jarriko dituzue eta, gero, eltzea sutan ipiniko duzue irakiten hasi arte. Memento horretan pasta gehituko duzue eta gutxi gora behera 10 minutuz egosten utziko duzue.

Bitartean, izokin ketua moztuko duzue eta ganbak garbituko duzue (oskola, burua eta hankak gabe). Hori egina dagoenean, zartagin bat jarriko duzue sutan olio koilarakada batekin eta, beroa dagoenean, ganbak gehituko dituzue gatza eta piperbeltz pixka batekin. Minutu pare batez prestatuko dituzue, baztertzen amaituta dagoen bezain laster.

Ganbak prestatzeko zartaginean, esne krema gehituko duzue eta minutu pare batez prestatuko sutan izango duzue. Ondoren, esne krema jarriko duzue irabiagailuaren ontzian eta izokin ketua gehituko duzue, guztia ondo irabiatuz krema homogeneo bat lortu arte.

Ia, ia platera prestatua daukagu, bakarrik aurkeztea falta zaigu, eta hori egiteko, nire jabeek egin zutena proposatzen dizuet:



Gustatzen zaizue? Zaporea... askoz hobeagoa da.

On egin!!



Trikimailu txiki bat: krema hotz geratzen bada, bero dezakezue arazorik gabe ;)

2013-05-14

Sari batzuk

Aste honetan sari pilo bat jaso izan ditut, eta hain presente komunikabideetan jaun hori esango lukeen: “harrotasunaz eta asetzeaz betetzen nau”, meh meh meh!!

Jasotako sariak dira:

  • “The versatile blog”.  Mila esker a Dolors Germillach-i,  “Pecat capital” arduraduna.
  • “Liebster Award”, “One Lovely blog Award” y “Very inspiring blogger Award”. hiru mila eskerrak (sari hirukoitza izateko)  Maria Eugenia Sanz-i, “Las recetas fáciles de María” blogaren arduraduna



Politak dira, ezta?

Beno, sari hauen arauen artean galdera batzuk erantzutea dago, beraz hartara noa:

1.- Zure plater perfektua, zein osagai darama?  Ez dakit, plater perfektua ez daukadalako. Bakoitzak bere osagai magikoa darama.

2.- Gogoratzeko filmak?  Asko gustatzen zait zinema,  beraz bi film oso desberdinak aipatuko dizkizuet gogoratzeko: “Up” eta “La lista de Schindler”

3.- Sukalde klasikoa edo sortzailea? Etxean klasikoa… baina afari batean dastatzeko, agian fusio bat bi hauen artean.

4.- Zure sukaldaririk hoberena? Nire jabea, meh meh meh… ez, ez… agian Isma Prados, ikustea eta sentitzea bere sukaldaritza egiteko eragatik.

5.- Oraindik egin ez duzun bidaia? Atlantikoa gurutzatzea… baina lasai, laster iritsiko da!

6.- Zure osagai fetitxea? Nik ez daukat halakorik, nahiz eta ezinbestekoa den bat izan: oliba olioa.

7.- Sukalde trikimailu bat.  Alberjinia moztea eta gatzatu (edo egosi) hura prestatu baino lehen, horrela olioa aurreztuko duzue.

8.- Zergatik blog bat? Nire jabeen jakintza banatzeko guztien artean.

9.- Zure oheburuko liburua? Orain, Ken Folleteren azken liburua “El invierno del mundo”.

10.- Zure errezetarik hoberena? Hori nire jabeen platerak dastatu dituzten pertsonek erantzun beharko dute

11.- Nork frogatzen ditu zure platerak zure etxean prestatzen diren errezetetan? Nire jabeek frogatzen dituzte haiek prestatzen dituzten errezetak, haien katutxo maitagarriari ez diotelako uzten.

Eta orain “One Lovely blog Award” eta “Very inspiring blogger Award” sarietarako aipatuko ditudan kideak honako hauek dira:

2013-05-05

Olagarro entsalada


Azkenaldi honetan eguraldi ona iristen ari da (edo gutxienez, horrek dirudi). Horregatik, gaur entsalada bat proposatzen dizuet, (sendoa, hori bai), hara, entsalada berezi bat afari batean lagunekin gozatzeko.

Entsalada hau epela da eta nire jabe maiteek izen deskribatzaile bat ipini zioten: “Olagarro entsalada”.

Oso, oso erraza da. Begira ezazue, hurrengo osagaiak lau pertsonentzako behar dira:

Olagarro bat (tamaina ertaina – 800 gr gutxi gora behera)
2 patata
Entsalada askotariko poltsa bat
Tipulin bat
Piper berde erdia
Piper gorri erdia
Olioa
Ozpina
Gatza
Piperrauts


Entsalada hau oso erraza da, bakarrik urrats zail bat dauka, olagarroa prestatzea.

Nire jabeek trikimailu bat daukate olagarro biguna prestatzeko. Trikimailu erraza da: olagarroa garbitu ondoren izoztea, gero, noski, hura prestatu baino lehen, desizoztu beharko duzue, hozkailutik aterako duzue 6 edo 7 ordu prestatu baino lehen… hori da, indarkeria gabe (sukaldari batzuen arabera, ostikada batzuk eman dizkiote olagarroari, baina hori niri ez zait gustatzen).

Hasteko, ozpin-olio bat prestatuko duzue. Hori egiteko, tipula eta piperrak txikituko dituzue. Dena txikituta dagoenean, bol batean jarriko duzue gatz apur batekin, eta olioarekin estaliko duzue. Azkenean, ozpina zorrotada bat botako duzue.

Jarraian, presio eltze bat ur askorekin sutan ipiniko duzue. Ura irakite puntura heltzen denean, olagarroa sartuko duzue hiru aldiz (sartu eta atera, olagarroa “sustatzeko”) eta, azkenik, barruan utziko duzue gatza pixka batekin eta patatekin. Eltzea itxi ezazue eta sutan utziko duzue 10 minutuz, eltzetik lurruna irteten hasi arte.

Patatak eta olagarroa eltzetik kenduko dituzue eta patatak xerra lodietan moztuko dituzue, platerean ipintzen piperrauts pixka batekin. Plateren erdialdean entsalada ipiniko duzue eta olagarroa zati txikietan moztuta. Azkenik, apaila ezazue ozpin-olioarekin.

Eta, hau da haiek lortu zuten emaitza:



Zer iruditzen zaituzte?

On egin!!