2016-12-30

Kuiatxo krema



Gaur, negu berri bat estreinatzen ari garela aprobetxatuz, errezeta berri bat ekartzen dizuegu. Nahiz eta guretzat errezeta berri bat izan, gure herrialdean hotz-garaietako klasiko bat da, bere izena da “kuiatxo krema” izanik.

Normalean egiten dugun moduan, talde honen partaideak aldaketa txiki bat egin nahi izan diogu errezeta klasikoari, nahiz eta, segidan ikusiko duzuenez, aldaketa honen eragina oso bajua da errezetaren azken emaitzan.

Kuiatxo krema hau egiteko, hurrengo osagaiak erabiliko ditugu, bi anoentzat:

2 kuiatxo
Tipula erdia
400 ml oilasko salda
50 ml esnea (edo esnegaina)
Irina koilarakada bat
20 g gazta parmatar
Olioa

Hasteko, tipula moztuko dugu. Moztuta dagoenean eltze bat sutan olio pixka batekin jarriko dugu, eta tipula gehituko dugu, sutan mantenduz su moteletara kristaldu arte.

Bitartean, kuiatxoak moztuko ditugu kubo txikietara. Tipula kristalduta dagoenean kuiatxo-kuboak gehituko ditugu eta sutan mantenduko ditugu 10 minutuz, noizean behin nahastuz.

Prestatzen den bitartean, salda berotuko dugu. 10 minutu pasatzen direnean, irin koilarakada gehituko diogu eltzeari eta ondo nahastuko dugu. Behin eginda, salda gehituko dugu eta eltzea sutan mantenduko dugu irakitu arte. Momentu horretan, gazta parmatar botako dugu eta sutatik kenduko dugu.

Azkenik, osagaiak ondo irabiatuko ditugu beso-irabiagailua erabiliz krema homogeneo bat lortu arte. Krema hau aurkezteko, katilu bat edo plater bat aukera dezakezue, emaitza horrelakoa izanda:

Kuiatxo Krema


On egin!!


2016-10-30

Cesar saltsa


Oraingo honetan parentesi bat egin nahi dugu, bidai gastronomikoak atzean utziz gai berria ukitzeko (beno, gutxienez guretzat berria da). Gaur, azalduko dugu nola prestatzen den saltsa berezi bat: “Cesar saltsa” hori bai, bere “arrautzarik gabeko” bertsioan.

Saltsa hau oso moldakorra da, zuzenki gure maionesa maitearekin (edo kasu honetan, laktonesarekin) erlazionatuta dago eta erabilera pilo bat ditu, nahiz eta segur aski zuek bere izena hartzen duen entsaladagatik ezagutuko duzue.

Entsalada bat eskuzabalki ontzeko, hurrengo osagaiak erabiliko ditugu:

100 ml olio
50 ml esne
20 g birrindutako gazta parmesano
4 antxoa
Baratxuri atal bat
Bi limoi-zuku koilarakada
Ziape koilaratxo bat (aukerakoa)
Piper beltza

Lehenago azaldu dugun moduan, saltsa hau maionesaren senide zuzena da. Hura bezala, irabiagailuaren basoa hartuko dugu eta txikitutako baratxuri atala, esnea, limoi zukua eta ziapea gehituko ditugu. Behin eginda, irabiagailuarekin mugitu gabe, irabiatzen hasiko gara eta poliki-poliki olioa gehituko dugu.

Lotuta dagoenean  (hori bai, erabat harrotu gabe), txikitutako antxoak, gazta parmesanoa eta ehotako piperbeltz pixka bat gehituko ditugu eta berriz guztia irabiatuko dugu, nahasketa ondo integratuta geratu arte.

Hemen iritsita, bakarrik platera aurkeztea faltako zaigu eta hori izan daiteke bai entsalada batean, bai haragi bati lagunduz edo arrautza batzuekin batera.

Cesar Entsalada



On egin!!

2016-09-22

Brokoli Tostak


Munduan zehar bidaiatu eta gero sukaldaritzaren bitartez, begetarianismoaren mundura urbeltzeko asmoa daukagu oraingo honetan gaurko errezetaren bitartez, obolaktobegetarianismora hain zuzen ere. Horretarako, errezeta erraz eta berezi bat ekartzen dizuegu: “Brokoli Tostak”.

Badakigu pertsona ugari daudela brokoliaren aurka, baina gaur esparru txiki honetara hurbiltzen dugun errezetarekin barazki hau erabat integratuta geratzen da, azken emaitza pertsona gehienen gustukoa izanez horren ondorioz.  

Lau tosta prestatzeko, hurrengo osagaiak behar izango ditugu:

350 g brokoli freskoa
150 g Azenarioa
100 ml birrindutako tomatea
150 g hautseko gazta
100 g hautseko ogia
2 arrautza
Gatza, piperbeltza eta olioa

Hasteko, brokolia ondo garbituko dugu. Horretarako, enborrak eta bestelako zikinkeriak kenduko ditugu. Hori eginda dagoenean, eltze batean ur hotza jarriko dugu eta brokolia gehituko dugu su ertainean, baina ura bere irakite puntura heldu arte. Aldi berean, zartagin batean birrindutako tomatea prestatuko dugu.

Ura berotzen den bitartean azenarioak zuritzeko aprobetxatuko dugu eta, horretarako, ondo birrinduko ditugu (edo, nahi izatekotan, txikitu ahal dituzue). Ura irakiten hasten denean, azenarioak gehituko ditugu eta, gutxi gora behera 5 minutuz egosiko ditugu. Azkenik, xukatuko eta gordeko dugu.

Jarraian, bol bat hartuko dugu irabiatutako arrautzak, hautseko ogia eta gazta gehituz, baita erreserbatutako brokolia eta prestatutako tomatea ere. Gero, gatza eta piperra botako ditugu gure gustura eta ondo nahastuko dugu.

Hori eginda dagoenean, diskoak egingo ditugu eskuz eta labe-paperaren gainean jarriko ditugu. Diskoak egiten ditugun bitartean, labea berotuko dugu 180 gradutara. Azkenik, diskoak labekatuko ditugu batzuei 20 minutuz.

Puntu honetara heltzen garenean, aurkeztea eta jatea faltako zaigu bakarrik. Dakizuen moduan, aukera mordo bat dauzkagu hori egiteko, baina guretzat errezetahau halako entsalada on batekin zerbitzatu behar da:

Brokoli Tostak
Brokoli Tostak


Probatzera ausartzen zarete?

On egin!!


2016-08-18

Asturiar Tortoak


Bidaiatzeko gure zaletasunarekin jarraituz, eta udan gaudela aprobetxatuz salto gastronomiko txiki bat egitea erabaki dugu, Asturiasera hain zuzen ere, erabat sorgintzen gaituen lurralde bat delako. Hori egiteko, “tortoen” errezeta azalduko dizuegu, Asturiaseko sukaldaritzako plater unibertsalen taldean sartuta dagoelako.

Errezeta hau oso erraza da eta gainera nahiago duzuen osagaiekin zerbitzatu dezakezue (adibidez, “raxo”a erabiliz, edo haragi txikitua, etab). Torto batzuk bi pertsonarentzat prestatzeko hurrengo osagaiak erabiliko ditugu:

200 g arto-irin
50 g gari-irin
150 ml ur epela
Gatz apur bat

Hasteko, bol handi batean osagai guztiak jarriko ditugu eta ondo nahastuko ditugu 5 minutuz gutxi gora behera. Kontuan izan orea itsaskorra geratzea posiblea dela. Osagai guztiak ondo osatuak daudenean atseden hartzea uzten diogu oreari 30 minutuz.

Denbora hau pasatu eta gero, zartagin bat jarriko dugu olio ugariarekin su bizidunetara. Olioa berotzen denean, ore zatiak hartuko ditugu, zati bakoitza eskuekin zapalduz eskuak erabiliz eta, segidan, zati horiek zartaginean frijituz ondo urreztatu arte. Azkenik, paper zurgatzailearen gainean jarriko ditugu eta gordeko ditugu.

Gure kasuan, etxeko balkoian jan genituen “txitxiki”ekin batera (txerri-haragi txikitu bat piperrautsekin, janari bat oso tipikoa Gasteizen eta Araban).


Etxeko tortoak


Zoragarriak. Apuntatzen zarete?

On egin!!

2016-07-18

Sagar eta hirugiharra pizza


Gaur ekartzen dizuegun errezetarekin Italiara itzuli nahi dugu, nahiz eta soilik gastronomikoki izan, etxean sorgintzen gaituen herrialde bat delako. Horretarako, hango plater nazional baten bertsio bat ekartzen dizuegu, pizzarena hain zuzen ere. Zehatzagoak izateko, errezeta erraz eta on bat azalduko dizuegu, “Sagar eta hirugiharra pizza” izena daramana.

Aspalditik etxean pizzako orea prestatzen dugu eta, horren ondorioz, orea nola prestatzen dugun azalduko dizuegu ere. Hala ere, zuen betiko orea erabiltzea nahi baldin baduzue, erabili ahal dezakezue ere, noski.

Errezeta erraz eta zaporetsu hau prestatzeko hurrengo osagaiak behar izango ditugu:

Orearentzat:

250 g irin
6 g legamia fresko
120 ml ur epel
3 olio-koilarakada
Gatz pixka bat

Pizzarentzat:

150 g hirugihar
2 sagar garratz
Tipula erdi bat
Tomatea (birrinduta)
Gatza
Olioa

Hasteko, orea prestatuko dugu eta, hori egiteko, bol handi batean osagai guztiak jarriko ditugu eta gure eskuetan erantzita ez geratzen diren momentura arte nahastuko ditugu. Puntu honetara iritsita, sukaldearen entzimeran oratuko dugu bere itxura pilota uniforme batena izan arte (bai, minutu batzuk emango ditugu gure helburua lortu arte). Azkenik, orea kotoi-trapu batekin estaliko dugu eta gordeko dugu 40 minutuz gutxienez, edo bere tamaina bikoizten duen momentura arte.

Pizza prestatzeko ordua iristen denean, orea hartuko dugu eta eskuak erabiliz zentrotik zabalduko dugu forma biribila emanez baina, hori bai, apurtu gabe. Azkenik, orea labe-paperaren gainean jarriko dugu (gogoratu papera labe erretiluaren gainean ipini behar dela hasiera hasieratik!), han atsedena hartzen utziz errezetaren hurrengo pausoak burutu arte.  

Gure orea atseden hartzen duen bitartean, olio erre tradizional bat prestatuko dugu tipula eta tomatea erabiliz. Aldi berean, sagarrak zurituko ditugu, bihotza kenduko diegu eta zatitxoetan moztuko ditugu (forma irregularrean edo nahiago duzuen erara moztu ahal dituzue). Sagarrak moztu bezain pronto, oli txorro bero bat daukan zartagin batera botako ditugu. Bitartean, hirugiharra moztuko dugu dadoetara eta sagarren azken minutuan zartaginera gehituko dugu, bi osagaiak ondo nahastuz.

Azkenik, tomate-olio errea zabalduko dugu masaren gainean eta txikitutako oreganoarekin hautseztatuko dugu, segidan sagar zatiak eta hirugiharra gainetik zabalduz.

Amaitzeko, aldez aurretik gure labea 180 gradutara berotuko dugu, eta pizza bere barnean jarriko dugu, barrualdean 12 minutu inguru utziz edo egosten den momentura arte. Denbora hau pasatuta, pizza honek honako itxura izango du:

Sagar eta hirugiharra pizza


Beharbada ez da pizzarik politena izango, baina bermatzen gara pizza honen zapore konbinazioa, sinpleki ikusgarria, da.

On egin!!

2016-06-20

Gurin-gailetak


Nahiz eta isiltasun osoan egon denboraldi luze batez, ez gara gure txoko txikiaz ahaztu. Bai, sukaldean jolasteko izan digun aukera bakoitza aprobetxatu izan dugu eta, horren ondorioz, gaur esparru honetara itzultzen gara sorgintzen gaituzten halako plater batekin. Hau da, gaur oso erraza, azkarra eta mundu guztiari gustatzen zaion errezeta bat partekatuko dugu zuekin, eta “gurin-gailetak” prestatzera irakatsiko zaituztegu.

50 gaileta (tamainaren arabera, noski) baino gehiago prestatzeko, hurrengo osagaiak behar izango ditugu:

500 g Irin
170 g Azukre
170 g Gurina pomadan (hau da, biguna eta giro tenperaturan)
170 ml. Esne
Arrautza bat
½ zorroko legamia
Limoi bateko birrindura (edo, gustura, laranja)

Hasteko, bol handi bat hartuko dugu (eta honekin osagai guztiak sartzeko aukera ematen digun bol bati buruz hitz egiten ari gara) eta irina eta legamia nahastuko ditugu. Segidan, gurina, azukrea eta arrautza gehituko ditugu, jarraian osagai guztiak ondo nahastuz. Guztia ondo osatuta dagoela ikusten dugunean, esnea poliki-poliki gehituko dugu eta edukiera ondo nahastuko dugu eskuekin ore homogeneo bat lortu arte.

Orea lortu dugunean, paper-filma erabiliz bilduko dugu eta hozkailuan gordeko dugu gutxienez ordu batez.

Denbora hau pasatzen denean, orea ondo luzatuko eta zabalduko dugu arrabol baten laguntzarekin, lodiera zentimetro erdikoa izan dadin. Hori egin eta gero, zuen gustukoa den molde batekin (guk tragoxka baso bat erabili genuen) gailetak pixkanaka-pixkanaka moztuko dituzue. Une hau oso aproposa da labea 175 gradutara berotzeko.

Azkenik, gailetak paperaz estalitako labe-erretilu batean jarriko ditugu eta labean mantenduko ditugu 15 minutuz. Emaitza egokia izateko, zuen gailetak honako itxura hau izan behar dute (edo hobeagoa, noski!)

Gurin Gailetak


Hemendik aurrera, zuen irudimena erabiliz pixkatxo bat apaindu ahal dituzue, eta, noski baietz, haietaz gozatu!!

On egin!!

2016-04-10

Tartifletta

Ondo dakizuenez, taldea honen kideei bidaiatzea izugarri gustatzen zaigu, bereziki leku berriak aurkitzea bere kultura gastronomikoa ezagutu. Beharbada, kultura gastronomiko bakoitzaren adierazgarririk hoberenak bere platerrak dira, beraz gaur Frantziako errezeta batean zentratuko gara, Savoiako eskualdeko “Tartiflette”a aztertuz.

Plater hau sendoa da benetan, bere osagai nagusiak patatak eta gazta izanik, hau da, erregimena egiten baldin baduzue edo gehiegizko pisua izatekotan, plater hau ez da zurentzat.

Errezeta honetako bi anoa egiteko hurrengo osagaiak erabiliko ditugu:

3 patata ertaina
½ “Reblochon” gazta
150 g Hirugihar
3 esne-krema koilarakada
Tipula bat
Olioa
Gatza
Piperbeltza

Hasteko eltze bat jarriko dugu ur ugariarekin egostera eta, ura irakite puntura heldu bezain pronto, patata osoak eta gatza gehituko ditugu eta 20 minutu inguru utziko ditugu sutan, patatak ondo egosiak egon arte.

Jarraian, tipula zatitxo handietan txikituko dugu eta zartagin batean jarriko ditugu su ertainera. Tipula kristaltzen ari denean, zatitxo handietan moztutako hirugiharra gehituko ditugu eta minutu batzuk prestatzen izango dugu. Azkenik, osagai hauek gordeko ditugu.

Puntu honetara iritsita, patatak zurituko ditugu eta xerretara moztuko ditugu zentimetro bateko lodierarekin. Pauso hau amaitu bezain pronto, laberako egokia den katilu batean patata kapa bat jarriko dugu, bere gainean banatuko dugu, gutxi gora behera, tipularen eta hirugiharraren erdia. Gero, patata kapa berri bat tipularekin eta hirugiharrarekin jarriko dugu eta “reblochon”arekin estaliko dugu.

Azkenik, labea berotuko dugu 180 gradutara. Beroa dagoenean, katilua jarriko dugu eta labean mantenduko dugu 20 minutuz gutxi gora behera.

Hona hemen emaitza posible bat:

Tartifletta ano bat



On egin!!

2016-03-23

Fish and chips


Gaur ekartzen dizuegun errezetarekin gure bidai gastronomikoarekin jarraitu nahi dugu eta, oraingo honetan, bere kultura gastronomikoarengatik nabarmentzen ez den herrialde batera bidaiatuko dugu, Erresuma Batura. Eta bai, gaur azaltzen dizuegun errezeta “Fish and Chips” da, munduko herrialde honetako famatuena.

Zalantzarik gabe, plater honen gakoa dago aukeratzen dugun arrain zurian (bakailaoa, legatza, halibuta, etab.) eta, egia esateko, gehiago gustatzen zaizuena aukeratu behar duzue.

Plater hau bi pertsonentzat egiteko asmoa izatekotan, hurrengo osagaiak behar izango ditugu:

300 g bakailaoa edo legatza tiraz moztuta
2 patata ertaina
Irin baso bat
Arrautz bat
Garagardo edalontzi bat (edo ur gasdun)
Gatza
Piperbeltza

Lehendabizi arrautza-irinetan pasatzeko masa prestatuko dugu eta, hau egiteko, bol bat hartuko dugu eta bere barruan irina, arrautza eta garagardo edalontzia gehituko ditugu, segidan dena irabiatuz eskuzko irabiagailua erabiliz erabat homogeneoa eta pikorrik gabeko krema bat lortu arte. Behin lortuta, arrain-tirak gehituko ditugu eta hozkailuan nahasketa gordeko dugu.

Bitartean, zartagin bat jarriko dugu berotzera olio ugarirekin. Olioa berotzen den bitartean patatak garbitu eta zurituko ditugu eta tira lodi eta desberdinetara moztuko ditugu. Olioa oso bero dagoenean, patatak jarriko ditugu eta gure gustura frijituko ditugu eta, hori eginda dagoenean, paper xurgatzailean patatak gordeko ditugu eta erreserbatuko ditugu.

Azkenik, eta olioa oso bero dagoela aprobetxatuz, arrain zatiak gehituko ditugu eta poliki-poliki frijituko ditugu. Arrain-zatiak zartaginetik atera bezain pronto, paper xurgatzailean jarriko ditugu olio soberakinak kentzeko.

Puntu honetara helduta, platera aurkeztea falta zaigu soilik, eta hori egiteko, gure “fish and chips” entsalada pixka batekin laguntzea gomendatzen dizuegu, emaitza honako hau izan dadin,

Fish and chips
Gure Fish and chips


Zalantzarik gabe, afari bat salbatzeko aukera bikaina, baita gure janariari “british” lurrina emateko aukera bikaina, ezta?

On egin!

2016-03-06

Madalenak txokolatezko ustekabearekin

Egun batzuk pasa eta gero hemendik itzultzen gara errezeta berri batekin. Segur aski, errezeta honek zuen askariak alaitzeko gaitasuna izango du, edo zure postreak bereizteko baliabide bat izan daiteke. Bai, gaur etxean prestatutako “madalenak txokolatezko ustekabearekin” gure errezetaren bertsioa ekartzen dizuegu. Zalantzarik gabe, benetako gozamena.

Hamar madalena prestatzeko (gutxi gora behera) hurrengo osagaiak erabiliko ditugu:

200 g. irina
2 arrautza
180 g. azukrea
50 ml. Esnea
200 ml. Olioa
Legamia koilarakada bat
Desegindako txokolate tableta erdia
Laranja-azala birrindura
Kanela koilarakada bat


Lehen pausoa bol batean arrautzak irabiatzea izango da, behin irabiatuta azukrea gehituko dugu eta nahasketa berriz irabiatuko dugu zurixka itxurako krema bat lortu arte. Segidan, olioa eta esnea gehituko ditugu eta, berriro ere, dena irabiatuko dugu nahasketa honen osagai guztiak lotuak egon arte.

Beste bol batean, irina, legamia, kanela-koilarakada bat, laranja baten azalaren birrindura eta gatz pixka bat gehituko ditugu, osagai hauek guztiak segidan nahastuz.

Bi nahasketak prestatu eta gera, pixkanaka-pixkanaka irina arrautzekin osatuko eta irabiatuko dugu, pauso hau irin guztia osatu arte errepikatuz. Helburua, zalantzarik gabe, pikorrik gabeko ore bat lortzea da. Hau guztia eginda dagoenean, nahastea estaliko dugu eta gutxienez hozkailuan ordu erdiz gordeko dugu.

Madalenak prestatu nahi ditugunean, moldeak prestatzeaz gain, labea berotzera jarriko dugu 210 gradutara. Ondoren, txokolatea desegingo dugu eta moldeak erdiraino beteko ditugu lehen gorde dugun orea erabiliz. Behin eginda daukagunean, txokolate-geruza bat jarriko dugu, azkenik moldeak erabat betez. (hori bai, hiru laugarren pateetara arte gutxi gorabehera).

Amaitzeko, moldeak labean sartuko ditugu eta 15 minutuz gutxi gora behera labekatuko ditugu.

Hona hemen gure emaitza:

madalenak txokolatezko ustekabearekin


Atsegin zaizkizue? Guri sorgindu gintuzten.


On egin!!

2016-01-25

Azenario-pastela


Aspalditik, pastel bat prestatzerakoan gure browniaren bertsioa edo bizkotxo bat egitea erabakitzen genuen (Erregeen roskoia alde batera uzten baldin badugu, noski). Horregatik, duela egun batzuk, “Victoria La Tauleta” bloga bisitatu ondoren, Ingalaterrako sukaldaritzarekin lotura argia daukan pastel bat prestatzea aukeratu genuen, honako hau “Carrot cake”a edo “Azenario-pastela” izanik.

Gaur bi pertsonentzako egokia den errezeta bat aurkezten dizuegu, berez, pastel estandar bat prestatzeko asmoa izatekotan hemen agertzen diren kantitate guztiak hirukoiztu beharko dituzue. Guk erabili genituen osagaiak hauek izan ziren:

Arrautza bat
Azenario bat
75 g irina
35 g azukrea
Legamia koilara punta bat
Gurin intxaur bat
60 ml. Oliba-olioa

Hasteko azenarioa ondo garbituko dugu, bere azala kenduz edo arraspatuz. Hori eginda dagoenean, kubotan zatituko dugu, segidan hauek irabiagailuko ontzian gordez. Baso berean olioa eta arrautza gehituko ditugu eta irabiagailuarekin ondo irabiatuko dugu krema homogeneo bat lortu arte.

Bitartean, zukrea, irina eta legamia beste bol batean ipiniko ditugu eta ondo nahastuko ditugu. Hori eginda dagoenean, azenario-krema gehituko dugu eta osagai guztiak berriz nahastuko ditugu, osagai guztien arteko lotura egokia izan arte.

Azkenik, labea berotzera jarriko dugu. Bitartean, molde bat gurin pixka batekin igurtziko dugu pastela jateko prest dagoenean erraztasun osoz zerbitzatu ahal izateko. Labea 180 gradutara dagoenean moldea erdiko altueran jarriko dugu, barrualdean utziz 40 minutuz.

Aurkezteko aukera asko ditugu: txokolate estaldura prestatzea, glas azukreaz hautseztatzea,  fruitu gorriekin laguntzea edo labetik ateratzen den moduan uztea:

Azenario-pastela


Azenario-pastela anoa
Azenario-pastela


Bere egitura dentso eta leunarekin, azenario pastel honek etxean sorgindu gintuen, beraz, proba dezazuela gomendatzen dizuegu.

On egin!!

2016-01-08

Ricota eta ziazerba lasagna


Gaur toki txiki honengatik bueltatzen gara italiar sukaldaritzaren usaina daramatzan errezeta batekin. Beti bezala, gaurko errezeta osasuntsua, zaporetsua eta prestatzeko erraza da eta, horretaz gain, zuen mahaietako protagonista izan daiteke. Bai, gaur “Ricota eta ziazerba lasagna” baten aurrean gaude.

Errezeta hau bi pertsonentzat prestatzeko hurrengo osagaiak erabiliko ditugu:

8 kaneloi-plaka
250 g Ziazerba freskoa
200 g Ricota gazta
100 g birrindutako tomatea
50 g hautseko gazta
2 txikitutako albaka koilarakada
Irabiatutako arrautza bat
Baratxuri atal bat
½ tipula
Piperbeltza
Gatza
Olioa

Lehen pausoa eltze bat ur kantitate eskuzabal batekin egostera ipintzea izango da. Irakite puntura heltzen denean, gatz pixka bat eta kaneloi plakak botako ditugu eta 12 minutu inguru sutan utziko ditugu (edo fabrikatzaileak markatzen duen denbora). Denbora hau pasatuta, hoztuko ditugu plakak eta zabalduko ditugu.

Jarraian, tipula eta baratxuri atala txikituko ditugu eta zartagin bat jarriko dugu sutan olio zorrotada onarekin. Beroa dagoenean, tipula eta baratxuri atala botako ditugu eta minutu pare batez dena prestatuko dugu noizean behin eraginez. Minutu hauek pasatzen direnean moztutako ziazerbak gehituko ditugu, onduko ditugu eta minutu batzuk prestatuko ditugu noizean behin eraginez.

Bol batean ricota-gazta, arrautza eta albakarekin nahasketa on bat prestatuko dugu eta, helburua lortzen dugunean, ziazerbak gehituko ditugu, prozesuarekin berriro hasiz.

Azkenik, platera prestatuko dugu laberako egokiak diren erretiluetan. Lasagna-orri bat jarriko dugu, ziazerba nahaste kapa bat eta lasagna-orri berri bat gehituko ditugu, azken osagai hau lehendabizi margotuz tomatea erabiliz. Hau errepikatuko dugu hasiera batean egosi ditugun 4 lasagna orriak erabili arte. Azkenik, gazta hautsean banatuko dugu platerraren gainekaldetik eta erretiluak jarriko ditugu labean (gogoratu aldez aurretik 180 gradutara ipini behar dugula) eta han utziko ditugu 30 minutuz.

Guri horrela geratu zitzaigun:

Ricota eta ziazerba lasagna
Ricota eta ziazerba lasagna


Etxean guztioi gustatu zitzaigun. Lasagna osasuntsu hau probatzera animatzen zaituztegu.

On egin!