Ahoa Jatetxea - Vitoria-Gasteiz

Lotsa? Zer da hori? Nik ez dut ezagutzen hitz horren esanahia! Gainera, aurreko egunean nire jabe maitagarriak esan zidaten “Nissi, ba al dakizu zenbat denbora daramazun ezer idatzi eta argitaratu gabe? Eta gauza pilo egin ditugu denboraldi honetan!”, eta, nahiz eta hitz horiek oso politak ez izan, nik ez nintzen lotsatu… alferkerietan ibiltzea asko gustatzen zait, ni bezalako katutxo maitagarriei deskantsatzea izugarri komeni zaiela uste dudalako. Baina, gaur aspertuta nagoenez, pentsatu dut zerbait iritsi behar nuela, ez duzue uste?

Artikulu honetan haiek frogatu duten azken jatetxearen azalpen bat egingo dizuet. Jatetxe honen izena “Ahoa” da, (nire ustez, izen hau oso aproposa da jatetxe baterako) eta Gasteizko Urriaren Hamabiaren kaleko lehenengo zenbakia kokatuta dago.

Aspalditik aitzaki on bat bilatzen zuten “Ahoa” jatetxera joateko, eta hau ailegatu zen nire jabe batek unibertsitatean atera zituen notak jakin zituztenean, bikainak izan baitziren. Horregatik, interneten bidez mahai bat erreserbatu zuten larunbat baterako, afari on batez gozatzeko asmoarekin.

Jatetxea oso polita eta nahiko modernoa da: solairua egurrez egina dago eta okre koloreduna da, zorua, egurrezkoa baita ere sotoetan inspiratua dago eta giroa edertzera laguntzen du. Gainera, jatetxeko giroa epela da, eta oso erraza da eroso sentitzea.

Jatetxeak dastapen menu bat dauka, eta bere prezioa 26€tik 32€ra doa, aukeratzen dugun ardoaren arabera aldatuz. Gainera, antzeko prezioa daukan menu berezi bat aukeratzea posible da, “obolaktobegetariano” izenekoa. (Ai ene! Zelako hitz arraroa!).

Haiek dastapen menua aukeratzea erabaki zuten eta, egia esateko, prezio horregatik, oso ondo zegoen:

Hasierako platerra:

Entsalada epela sagarrekin, bakailaoarekin eta ganbekin egina, saltsa berezi batekin apailatua.

Lehenengo platerra:

Arroz saldatsua “boletus” eta “foie” kremarekin.

Plater printzipala:

Txerri azpizuna patata eta barazki goarnizioarekin

Postreak:

Mango flana

Dena oso ondo prestatuta eta aurkeztuta zegoen, plater diseinu gainean antolatuak. Benetan, haiei asko gustatu zitzaien, eta ziur nago gehiagotan hara jatera edo afaltzera bueltatuko direla. Gainera, jatetxean dagoen giroa oso aproposa da afari erromantiko bat antolatzeko, baita lagunekin jatera joateko ere. Horretaz gain, bere prezioa oso ondo dago, garestiagoak diren jatetxe batzuk baino kalitate gehiago eskainiz.

Badaezpada, hemen jatetxearekin harremanetan ipintzeko daturik garrantzitsuenak utziko dizkizuet.

"Ahoa Jatetxea"

Urriaren hamabiaren kalea, 1. Zenbakia.

01004 Vitoria – Gasteiz (Araba)

Telefono zenbakia: 945 26 08 75

Bizkotxoa

Ai irakurle maiteak, zelako tripa ipintzen ari naizen!! Eta dena, nire jabeen erruagatik... Baina noizean behin, zelako bizkotxoa atertzen du mahukatik... goxoa, harroa... laburbilduz, jabetxo maiteak: Prestatuko didazu beste bat gaur, mesedez? Tira, urruma asko egingo dizkizut eta...

Ez dakit zergatik, baina bakarrik nire jabeen bati ondo ateratzen zaio goxo hau, agian herentziagatik da (bere amak asko daki ere bai). Nire beste esklaboa (ups, bakartu... nire beste jabea), berriz, bakarrik ondo jaten du... meh, meh, meh!!

Beno, agian, errezeta azaltzen hasi beharko nuke, ez?

Hara noa, gaurko errezeta bizkotxoa dela esanez, nahiz eta ziur nago zuek, irakurle maiteak, errezetaren izena bazenekitela hasieran azaldu duguna irakurri duzuenetik.

Bizkotxoa egiteko hurrengo osagaiak erabili zituzten:

3 arrautza
225 gr. irina (neurria: 3 jogurt ontzi)
150 gr. azukrea (neurria: 2 jogurt ontzi)
Olioa (neurria: Jogurt ontzi 1)
Jogurt natural bat
Legamia azal bat (“Royal” markakoa edo antzekoa)


Ez zarete kezkatu behar, gaurko errezeta dudarik gabe gaur arte azaldu dizkizuedan errezetetatik errazena delako. Bakarrik bol handi bat falta zaizue, noski, orain artean aipatu ditugun osagai hauek guztiak irabiagailua erabiliz ondo irabiatzeko.

Hau egin eta gero, nire jabeak labea 180 gradutara ipintzen dute eta, berotzen denean, aurreko pausuan lortutako orea molde batean ipintzen dute eta labean ordu erdiz uzten dute.

Kontuz! Kontuan izan behar duzue denbora tarte horretan ezin duzuela labearen atea ireki. Bestela, bizkotxoa ez da igoko eta bere itxura Victoria Beckhamren antzekoa izango da (hau da, zaporea agian ona izango da, baina bere itxura ez da proportzionatua izango). Denbora tarte hori pasa denean, ez dago arriskurik labeko atea irekitzeko eta, noski, bizkotxoa egina dagoen ala ez konprobatzeko.

Hau guztia egiten baduzue, zuen bizkotxoaren itxura horrelakoa izango da.

Pastel-krema

Buahh!! Nola gustatzen zaizkidan goxoak! Eta etxekoak, gehiago. Eskerrak, azkenean nire jabeek eremu hauetan aurreratu egin dute pilo bat. Agian txalo bat edo miazkada bat merezi dute. Uste dut, nire kasuan miazkada aukeratuko dudala, meh meh meh!!

Erregeen-opila prestatzen bitartean, beste goxo bat egiten saiatu ziren: pastel-krema. Goxo hau egin zuten lehendabiziko aldia izan zen, baina ez zen nabaritzen. Ains!! Uste dut askotan gozatuko dudala...

Hurrengo osagaiak erabili zituzten pastel-krema prestatzeko:

½ lt. Esnea
150 gr. azukrea
4 arrauts gorringo
2 Arto-irin koilarakada
2 Limoi-oskola
1 Kanela-zotza
1 Banilla-zotza (aukerako)


Hasteko, suan kazola bat ipini behar duzue esnea berotzeko. Bitartean, bol batean azukrea eta gorringoak ipiniko dituzue ondo irabiatzeko. Kazolan limoi-oskolak, kanela-zotza eta banilla gehitu behar dituzue irakin baino lehen.

Esnea irakite-puntura iristen denean, esnetatik limoi-oskolak, kanela-zotza eta banilla kendu behar dituzue. Azkenik, kazola su baxuan minutu pare bat gehiago utzi behar duzue. Gero, kazolatik burruntzali (cucharón) bat banatu behar duzue gorringoen bolara gehitzeko. Egina dagoenean, gelditu gabe eragin behar duzue, ore uniforme bat lortzeko.

Orea lortzen duzuenean, kazolara bota behar duzue eta berriz, su geldoan ipini etengabe eragiten, orea loditu arte.

Geroago, haiek sutik kazola kendu zuten eta orea bol batean ipini zuten hostatzeko. Bola hozkailuan jarri baino lehen film-papera orea ukitzen ipini zuten.

Begira ezazue, horrela geratu zen:


Eta hemen daukazue beste aplikazio bat:



Ea noiz pastel-krema egiten duten berriro... ains... gogoa badaukat!!!

Limoizko sorbetea cavara

Ez da beharrezkoa nik esatea, baina nire jabeak oso arraroak dira. Postreak ez dira haien berezitasunik nabarmenena, baina beti postre ezberdin bat egiten saiatzen dira eta, oraingo honetan, zerbait biribila atera zitzaien.

Niri cavaren usaina ez zait gustatzen, baina beno, errezetaren urratsak jarraitu nituen arreta handiz eta, gonbidatuen erreakzioa ikusi ondoren, errezeta azalduko nizuela pentsatu dut.

Nire jabeak hurrengo osagaiak erabili zituzten errezeta hau prestatzeko:

Botila bat cava

5 Limoia

200 gr. azukrea

150 ml. ura

Lana oso erraza da. Ez duzue uste? Ederki gaude!! Beno, nahi baldin baduzue, oraintxe datozen lerroak irakurtzeko aukera daukazue :)

Lehenengo urratsean, limoiei zukua atera behar zaie, bi limoi-oskola gordez geroago erabiltzeko. Ah! Zukua garbia ez bada, iragazi behar duzue. Segidan, zukua bol handi batean ipini behar duzue.

Bigarren urratsean almibar arin bat prestatuko dugu. Hau egiteko, sutan ura eta azukrea ipiniko ditugu, ondo irabiatuz egosi arte. Memento honetan, limoi-oskolak gehituko ditugu, eta berriz, nahasketa minutu pare bat gehiago utziko dugu suan etengabe irabiatuz.

Almibarra hozten denean, osagaiak barreiatzeko ordua iristen da. Bolan, almibarra eta cava gehituko ditugu, segidan osagai guztiak (cava, limoi zukua eta almibarra) nahasteko. Azken pausua, nola ez, bola izozkailuan sartzea da.

Eta beno, bakarrik gauza bat falta da: pazientzia, sorbetea lortzeko hiru ordu gutxi gora behera behar direlako. Ah! Gomendio txiki bat, ordu bakoitzean izozkailua ireki behar duzue sorbetea irabiatzeko, izotza kentzea beharrezkoa delako.

Argazkia ikusi eta gero, primeran dagoela esan dezakegu, ala ez?

Aizue, kontuz sorbetearekin!! Alkohola darama, eta afaria erdi mozkortuak amaitu dezakezue...

Erregeen opila

Gabon egunak iristen ari dira berriro eta haiekin afari berezi pilo bat, beno, afariak eta bazkariak, gutxienez etxean hori ikusten dut... zelako kontua!!

Eskerrak jai hauetan janari bereziak daramatzate eta, noski, nire jabeek Gabonetako plater berezi bat egiten saiatzen direnean nik oso pozik egoten naiz sukaldetik usain onak ateratzen direlako. Oraingo honetan, postre bat hautatu zuten, erregeen opila hain zuzen ere.

Haiek hurrengo osagaiak erabili zituzten errezeta hau egiteko:

500 gr. irina

125 gr. azukrea
50 gr. legamia
120 ml. ura
10 gr. gatza
75 gr. margarina 2 arrautza
Banilla-zotz bat
Laranja-birrindura

Errezeta hau egitea oso erraza da, ia-ia horrela laburtu dezaket: osagai guztiak bol batean ipini behar dituzue eta labean sartu baino lehen nahastu. Baina beno, ez naiz izango hain gaiztoa, meh meh meh!!

Beno, haiek hasi baino lehen, osagai guztiak prestatu zituzten eta bol handi bat bilatu zuten. Hori eginda zeukatenean, bolan irina ipini zuten eta erdi-erdian zulo bat egin zuten (hau da, sumendi baten modukoa).

Gero, poliki-poliki, legamia, ura, gatza, arrautzak, banilla eta laranja-birrindura zuloaren barruan ipini zituzten.

Osagaiak gehituta zeudenean, errezetako pausorik dibertigarriena hasi zen: nahasketa. Bai, nire ustez dibertigarria zen, baina haien aurpegiagatik oso astuna omen zela zirudien, eskuz egin zutelako ore uniforme bat lortu arte.

Azkenean, margarina deseginda gehitu zuten eta noski, berriro nahastu zuten (berriro nahasteko beharra izatea ere... gaixoak!!) Meh, meh, meh!!

Hori eginda zeukatenean, orea sukaldeko trapu baten azpian jalkitzen utzi zuten ordubetez, orearen tamaina bikoiztu zen arte.

Azkenik, gurpil bat egin zuten orearekin eta barruan bi opari/txorakeria ezkutatu zituzten. Segidan, opila apaindu zuten (egun hori arbendol zatituekin, baina posible da fruta azukreztatuak erabiltzea) eta arrautzarekin pintatu zuten.

Opila pintatuta zegoenean, labeko erretilu batean ipini zuten eta erretilua labean sartu baino lehen, labea aurretik berotu eta gero. Opila 15 minutu egon zen labean, 180 gradutara ipinita.

Ez dauka itxura industriala baina ez da txarra, ezta?

Eta hau gure 2011eko errege-opila izan zen:

Benetan, oso goxoa geratu zitzaien (gainera polita, ezta?)... fruitu melatuekin, ains!!... eta pastel-krema hori.... primeran!! Oraindik biboteak milikatzen ari naiz.