Ziazerbako eta gaztako Boreka

Gaurko sarrerarekin gure bidai gastronomikoekin jarraituko dugu, otomandar inperioa bisitatuz. Horretarako, gaur ziazerba eta feta gaztako “Borek” bat nola prestatzen den azalduko dizuegu.

Errezeta hau ijito beso baten antza daukala esan dezakegu. Hala ere, ziazerben eta feta gaztaren arteko konbinazio mundiala da, bere arima mediterraneoarekin batera, errezeta begetariano honen ezaugarririk nabarmenena.

3 edo 4 anoentzako, hurrengo osagaiak erabiliko ditugu:

400 g ziazerba

100 g gazta feta

50 g gurina pomadan

8 filo pasta orri

Arrautza bat

Baratxuri atal bat

Olioa

Hasteko, olio-koilarakada pare bat zartagin batean jarriko ditugu. Olioa apur bat berotu denean, xerretara moztutako baratxuria gehituko dugu, minutu pare batez berotzen utziz. Denbora hau pasatu eta gero, baratxuria gordeko dugu eta zartaginean lehen bota dugun olioarekin ziazerbak prestatuko ditugu.

Ziazerbak suheztitu eta gero, sutatik kenduko ditugu segidan zati txikietan mozteko. Jarraian, feta gazta birrinduko dugu, erreserbatuz.

Geroxeago, filo pasta orri bat zabalduko dugu azal leun baten gainean gurinaz margotzeko. Hori egin eta gero, margotutako orria beste batekin estaliko dugu eta gazta eta ziazerbak apurka-apurka gainetik banatuko ditugu. Prozesu hau bitan errepikatuko dugu, bi pasta filo orri gehiago beharrezkoak izango direlako. Azkenik, ertzak tolestuko ditugu eta masa ijito-beso bat izango balitz bezala bilduko dugu. Azkenik, soberan izan ditugun orriak gurinarekin margotuko ditugu gure errulora gehitzeko asmoarekin, hau sendoagoa izan dadin.

Erruloa labean ipini baino lehen gure erruloa margotuko dugu arraultza erabiliz. Labea 180 gradutara iristen denean besoa sartuko dugu eta han utziko dugu urreztatu arte.

Hona hemen emaitza posible bat:

Borek-a konbinazio pilo bat onartzen ditu… goxoa, gazitua, pasta filoarekin edo hautsitako masarekin, etab.

On egin!!

Txokolatezko eta kanelazko gailetak

Gaur errezeta goxo, erraz eta azkar bat ekartzen dizuegu, arratsalde batean ustekabean frogatu genuena eta erabat miresgarria iruditu zitzaiguna. Bai, gaur “Txokolatezko eta kanelazko gailetak” nola prestatzen diren azalduko dizuegu.

25 gaileta (tamainaren arabera, noski) egiteko, hurrengo osagaiak erabiliko ditugu:

50 g gatzik gabeko gurina pomadan

110 g Gozogintza-irina

Azukre zuriko 25 gramo

Azukre beltzeko 40 gramo

Legamia (kafe koilarakada bat soilik)

Kanela (kafe koilarakada bat) edo limoi birrindura

Arrautza bat (bakarrik erdia erabiliko dugu)

Txokolate-perlak edo txokolatea hautzean (azken kasu honetan, koilarakada pare batekin nahiko)

Kantitate hauek erabiltzekotan 25 gailetara aterako zaizkizue. Gehiago prestatzeko grina baldin baduzue, osagai guztiak proportzionalki gehitzea beharrezkoa dela gogoratu behar duzue. Beno, ekin lanari!

Hasteko, bol handi batean irina, azukreak, kanela eta legamia botako ditugu eta ondo nahastuko ditugu. Nahasketa prest dagoenean, gurina pomadan gehituko dugu eta osagai guztiak berriz nahastuko ditugu eskuak erabiliz, lanean jarraituz guztia erabat osatuta egon arte. Azkenik, arrautza eta txokolatea gehituko ditugu eta lehen egin dugun moduan, guztia ondo nahastuko dugu ore garbia eta homogeneo bat lortu arte. Puntu honetara iritsita, 3 diametro-zentimetroko errulo bat egingo dugu eta, jarraian  bilduko dugu film paperarekin, segidan errulo hori hozkailuan sartuz (gutxienez ordu erdian zehar).

Oreak atseden hartzen duen bitartean, labea 200 gradutara berotuko dugu (beroa goitik eta behetik irten behar da).

Orearen atseden denbora pasatzerakoan estalgabetuko dugu eta zentimetro erdiko xerretara moztuko dugu. Labe-paperaz estalitako erretilu batean gailetak banatuko ditugu, segidan 12 minutu inguru labean sartuz.

Azkenik, gailetak labetik aterako ditugu eta plater batera pasatuko ditugu erabat hoztu arte. Momentu honetan, prest egongo zarete lortutako emaitzaz gozatzeko.

Txokolatezko eta kanelazko gailetak

On egin!!

Entsalada epela foie-txirbilekin

Gaur errezeta erraz, osasuntsu eta azkar bat ekartzen dizuegu esparru txiki honetara, afaltzeko ideala dena edo, aurkezpen dotoreago bat egitekotan, bazkari berezi baten hasierako gisa izan daitekeena, “entsalada epela foie-txirbilekin”.

Bi anoentzat hurrengo osagaiak erabiliko ditugu:

150 g hainbat uraza tipo 

100 g Idiazabal gazta

50 g Fruitu lehor

20 g “foie” edo micuit

20 g mahaspasa

Patata ertain bat

Entsalada tomate bat (edo xerri tomate dozena bat)

Oliba olio birjina

Modenako Ozpina

Hasteko, osagai guztiak prestatuko ditugu. Horretarako, Idiazabal gazta moztuko dugu kubo txikietara eta erreserbatuko ditugu. Gero, gauza bera egingo dugu tomatearekin eta lehen egin dugun moduan, zatitxoak erreserbatuko ditugu.

Jarraian, patata egostera jarriko dugu azala kendu gabe eta eltzean 20 minutuz mantenduko dugu erabat irakituta egon arte (aukeratutako patataren tamainaren arabera, minutu batzuk gehiago sutan mantentzea beharrezkoa izan daiteke) eta hozten utziko dugu. Patata hotza dagoenean, azala baztertuko diogu eta kubo txikietara moztuko dugu (tomatearen tamainaren bezalakoak gutxi gorabehera) eta gordeko ditugu.

Osagai guztiak jada prestatu ditugunez, gure entsalada aurkeztea falta izango zaigu bakarrik. Hau egiteko, entsalada erdia plater batean jarriko dugu, eta segidan Idiazabal gaztako kubotxoak eta fruitu lehorrak gehituko ditugu. Jarraian, moztutako tomateak, mahaspasak eta patata kubotxoak goitik sakabanatuko ditugu.  

Azkenik, micuit-a (foiea) entsaladaren gainean birrinduko dugu, segidan Modenako ozpinarekin eta oliba olio birginarekin  apailatuz.

Pixkatxo bat dastatzea atsegingo zenukete?

Entsalada epela foie-txirbilekin

On egin!!