Arroz zuria alberjinia konfitatuekin

Aurreko larunbatean nire jabe estimatuak, arroza eta barazkiak erabiliz, oso plater berezia eta originala prestatzea erabaki zuten. Hala ere, ez dut esango arroza barazkiekin prestatu zutela, bakarrik barazki mota bat daramalako. Horregatik “arroz zuria alberjinia konfitatuekin” izena aproposagoa dela uste dut.   

Egia esaten baldin badizuet, errezeta hau prestatzea oso erraza da, eta emaitza, gutxienez, erakargarria dela esan dezakegu.

Ideia errezeta hau bi pertsonentzako prestatzea baldin bada, honako osagaiak erabili beharko dituzue, aipatzen diren kopuruetan:

190 gr. arroza

1 Alberjinia

Urdaiazpiko iberikoa (xafla bat)

Tipula erdia

Baratxuri hortz bat

Gatza

Olioa

Hasiera batean, osagaiak prestatuko ditugu. Egingo dugun lehendabiziko gauza izango da tipula moztu zati txikietan, karratuetan. Hau egina dagoenean, urdaiazpiko xafla zatituko dugu, tipularekin antzekotasuna bilatuz.

Jarraian, zartagin bat sutan ipiniko duzue olioarekin (kopuru handi batean) eta, beroa dagoenean, sua jaitsiko duzue, segidan tipula gehituz. Tipula kristalizatzen hasten denean, urdaiazpikoko karratuak gehituko dituzue.

Bitartean, alberjinia zuritu beharko duzue, baita karratuetan moztu ere, aurreko osagaiekin antzekotasuna bilatuz. Hau guztia egina dagoenean, zartaginean sartuko duzue urdaiazpikoarekin eta tipularekin batera, gatza eta piperbeltza gehitzen eta 15 minutuz sutan uzten. 

Alberjinia konfitatzen den bitartean, lapiko bat ipiniko duzue suan olio pixka batekin eta, beroa dagoenean, baratxuri hortza botako duzue (azalik gabe, noski) kolorea hartu arte, hori bai, erre ez dezan kontrolatuz. Kolorea hartzen duenean, arroza gehituko duzue eta, beroa dagoenean, ura botako duzue (arrozaren kopuruaren bikoitza, gutxi gora behera) gatzarekin batera, lapikoa sutan 15 minutuz uzten.

Arroza egina dagoenean, platera muntatzeko momentua izango da. Hori egiteko, nire jabeek bi koloretako menditxo bat prestatu zuten platerean. Nola egin zuten hau jakin nahi duzue? Bai, ezta? Bol borobil bat hartu zuten, olioa barrutik zabaldu zuten eta, koilara baten laguntzarekin arroza sartu zuten gutxi gora behera erdiraino, edukia bilduz. Jarraian alberjinia sartu zuten, urdaiazpikoarekin eta tipularekin batera, guztia bilduz ere. Azkenik, arroza bota zuten gainetik, bola erabat betetzen. Amaitzeko, ontzia plater baten gainean biratu zuten, honako aurkezpena lortuz:

Zer iruditzen zaituzte? Cherry tomate batzuk gainetik ipini, eta mahaira joateko prest?

On egin!

Santa Burg Hanburgesetegia - Bartzelona

Kriston inbidia sentitu nuen orain duela egun batzuk! Nire jabeak Bartzelonara joan ziren, eta hau gutxi izango balitz, jatetxe berri batera (haientzat behintzat, berria zen) jatera joan ziren.

Arraroa iruditu zitzaidan, hautatu zuten lekua hanburgesategi bat delako. Lasai egon, jatetxe hau “Mcdonald’s” bat ez delako, ezta “Burger King” bat ere. Jada badakizue nire jabeek frankizietatik ihes egiten dutela normalean, meh meh meh!!

Beno, jatetxe honek “Santa Burg” izena darama, eta Sants-eko auzoan kokatuta dago (Santseko geltokitik bi etxeditara), Vallespir Kaleko 51garren zenbakian hain zuzen ere.

Lehen begiratuan, lokala auzo-taberna tipikoa dirudi... areto txiki bat eta, bere aldean barra handi bat eta hondoan telebista. Bakarrik gauza bitxi bat dago, telebistaren azpian... birjin baten irudia daukate!! Bai... ‘Santa Burg’ birjinarena da, bere patroia.

Mahaian eseri zirenean, nire jabeek mahai-zapietan inprimatutako kartarekin topo egin zuten. Egia esateko, ez da oso zabala: entsalada pare bat, 9 edo 10 hanburgesa, osagarriak edo estrak, postre pare bat eta edariak.

Nire jabeek honako plater hauek aukeratu zituzten:

2 Hanburgesa “Santa Royal”, bere “Dry Aged” idikiarekin, hirugiharrarekin, urazarekin, tomatearekin, ziapearekin eta “cheddar” gaztako xerra batekin (hau estra bat izan zen).

Etxeko patatak, elkarbanatzeko.

Ura eta garagardoa

Infusioak

Onena? Zalantzarik gabe, “Dry Aged” haragia bere puntuan... primeran zegoen!! Baina galdetuko duzue: zer demontre da “Dry Aged” haragia?  Beno, haragiaren heltze prozesu bat da, lehorretan, hori bai. Prozesu honek leuntasun eta zapore gehiago haragiaren idikiari ematen dizkio.

Dena primeran zegoen: haragia, etxeko patatak, zerbitzua... nire jabeek bakarrik orban txiki bat aurkitu zuten: osagarrien prezioak... 9 euro kalitatezko hanburgesa batengatik ordaintzeak ondo iruditu bazitzaien, etxeko patata batzuengatik 4 € baino gehiago eta arrautza batengatik 2... Ez.

Azkenean, nire jabeek 33.90€ ordaindu zituzten. Prezioa onargarria da kalitatea kontuan hartzen baldin badugu, baina gehiegizkoa izan daiteke erregulartasunez joan nahi baduzu.

Zuek ere joateko gogoak baldin badituzue, beheko aldean utziko dizkizuet jatetxearen helbidea eta telefonoa.

“Santa Burg”

Vallespir kalean,51

08014 Bartzelona

Telefonoa: 93 676 39 74

Marinatutako atun-solomoa plantxan

Beno!! Zelako errezeta ederra azalduko dizuedan gaur!! Meh meh meh!! Erraza, azkarra eta gainera, zaporetsua. Etxean, aitaren batean desagertu zen mahaitik eta, noski, ni ezer dastatu gabe geratu nintzen...

Gaurko errezetari “Marinatutako atun-solomoa plantxan” deituko diot.

Nire jabeek hurrengo osagaiak erabili zituzten (bi pertsonentzat, noski):

2 atun-solomo

Limoi bat

2 patata ertain

Gatza

Piperbeltza

Olioa

Hasteko, bol batean bi atun-solomo ipiniko dituzue. Gazta eta piperbeltza bota zuen gustuaren arabera. Segidan, limoi zukua eta olio koilarakada pare bat botako dituzue eta atseden hartzea utziko diozue denari, gutxienez, 15 minututan.

Orain, goarnizioa prestatuko dugu. Entsalada bat edo patata frijituak presta ditzakezue, oraingo honetan, nire jabeek patata frijituak aukeratu zituzten.

Azkenik, atuna pasatuko dugu xaflagatik, baina kontuz, soilik minutu pare bat alde bakoitzengatik (minutu bat atun-solomo meheak badira), bestela erre egiten delako.

Plater honen aurkezpen posible bat nire jabeek antolatutakoa izan daiteke:

Marinatutako atun-solomoa plantxan

Zuen ustez, ez da oso desiragarria?

Izokin bolak

Buahh!! Aurreko egunean, nire jabeek plater berezi bat prestatu zuten. Eta, zelako platera! Begiekin jaten nuen… Ai ama, hori bai zen usain bikaina…!! Hmm… Dastatu nahi nuen, baina noski, nire jabeek azkar-azkar esan zidaten: “Plater hau ez da zuretzat!! Katutxoentzat ez da batere egokia!! ”.

Bai, asmatu duzue, gaur aurkeztuko dizuedan errezeta arraina darama, izokina hain zuzen ere... Eta niri izokina asko gustatzen zait!!

Gainera, nire jabeek modu berezi bat jarraituz prestatu zuten. Nik plater honi izen berezi bat ipini nion: “Izokin bolak”.

Plater hau egiteko, haiek hurrengo osagaiak erabili zituzten:

2 Izokin xerra

500 ml. Arrain salda

Arrautz bat

Tipulin bat

Baratxuri atal bat

Moldeko ogi xerra bat

50 ml. Esnea

Irina

Perrexila

Olioa

Gazta

Osagai asko daude zerrendan, ezta? Lasai egon, errezeta hau oso erraza dela eta.

Hasteko, izokin xerrak garbitu behar dituzue. Hori egiteko, izokinaren azala kenduko duzue eta arretaz, haragian egon daitezken arantzak kenduko dituzue baita ere. Apurtzen baldin bada, ez kezkatu, txikitzen bukatuko dugulako, meh meh meh!!

Osagaiak txikitzeko unea iritsi da, beraz, ganibet batekin tipulina eta baratxuri-atala ondo txikituko dituzue, eta txikitzeko gailuarekin (gutxienez, nire jabeek traste hori erabili zuten), izokina desegingo duzue. Jarraian, izokina desegina daukagunean, baratxuria eta tipulina botako dituzue bol batean, osagai guztiak nahastuz.

Bol horretan berean, arrautza bat, ogi xerra esnez blai dagoenean eta azalik gabe, gatza eta piperbeltza. Azkenik, osagai guztiak nahastuko dituzue eskuen laguntzekin. Oso likido geratzen dela ikusi baduzue, gehi dezakezue irin pixka bat.

Puntu honetara iritsi behar zarete:

Jarraian, errezetaren lan dibertigarriena egiten hasiko zarete, hau da, izokin-bolak egiteko garaia heldu da. Kafeko koilara batekin orea hartuko duzue eta gero eskuekin, bola bat egingo duzue, eta berriz, beste bat, eta beste bat... orea bukatu arte.

Azkenean, izokin-bolak irinean bainatuko dituzue eta zartagin batean (olio beroarekin, noski) ipiniko dituzue, ondo frijitzeko, baina kontuz! Bi minutuekin nahikoa da!

Izokin-bolak eginak dauzkazuenean, saltsa prestatzen hasiko zarete. Hori egiteko, zartagin bat jarriko duzue sutan olioarekin eta beroa dagoenean, gehituko duzue bi irin koilarakada gehituko dituzue eta espatula batekin disolbatuko duzue. Hau gertatzen denean, saldako erdia gehituko duzue, eta, berriz, ondo nahastuko duzue. Poliki poliki, salda pixka bat  gehituko duzue. Operazio hau errepikatzea beharrezkoa da, desiratutako dentsitatea lortu arte.

Azkenik, bakarrik platera aurkeztea falta zaigu... Zer iruditzen zaizue horrela egiten baldin badugu?

On egin!!

Dardos saria

Esaten dutenaren arabera, ez daude bi hiru egon gabe!! Aurreko egunean nire hirugarren saria (edo esker ona) jaso izan nuen, oraingo honetan Araek (“Aliño con cariño” blogaren arduraduna) eman dit. Mila esker!! Benetan, asko eskertzen dizut!!

Hau da saria:

Oraingo honetan, arauak honako hauek dira:

• Sariaren irudia blogan sartu (goian daukazue, meh meh meh!!)

Saria eman dizun pertsona aipatu (nik jada egin dut… meh meh meh)

20 blog edo web-orrialde aukeratu.

Hemen daukazue nire zerrenda:

• “Els fogons del pare” 
• “Trifásic de Baileys” 
• “Con una pizca de cariño” 
• “Cocinando con Tere”
• “Cuina i gaudeix” 
• “Els fogons de l’avia Nuri”
• “La cocinera mileurista”
• “Cocinando con Montse”
• “Jana kitchen” 
• “Fórmules culinàries”
• “Blog de cuina de la Dolorss” 
• “Cuinar es generós” - 
• “¿Qué te apetece hoy?” – 
• “La magia de Sonia” - 
• “Gastronofilia” - 
• “Tapa’t de tapes” - 
• “Cocinando en casa” 
• “Evarova” 
• “El horno de Su” 
• “Fem un mos”