Miyako Jatetxe Japoniarra - Logroño

Edozein egunean nire jabeei berriz ere lapurtuko diet urdaiazpiko iberikoko pakete bat!! Zergatia zein den? Nekatzen nautelako... ospera!! Begira, orain dela egun batzuk Logroñora txango bat egitea erabaki zuten eta ni, noski etxean geratu nintzen, pentsua zeukan bol batekin eta beste bat urarekin, eta gainera, nik ez nien eman baimena!!

Laburbilduz, gauza da... entzun dudanaren arabera, txaplata horiek Laurel kalera joatea aukeratu zuten pintxo bereziak dastatzeko, baina zoritxarrez pintxoak ez zitzaizkien gustatzen. Azkenean, jatetxe bat bilatu aurretik bi pintxo jan zituzten. Erdi desengainatuak zaudenean, jatetxe berezi bat topatu zuten... itxura bikaina, gaueko menua eta gainera japoniarra zen... bi aldiz pentsatu gabe sartu ziren.

Jatetxea “Miyako” deitzen da eta ezaugarri berezi bata dauka: “Teppanayaki” izena daukan teknika bat ezartzen dute (bezeroen aurrean plater gehienak prestatzen dituzte). Ains, asko gustatuko litzaidake hemen Gasteizen teknika hori ikustea, baina nahiz eta Ginza Jatetxe japoniarra eduki, ez da gauza bera (jendearen arabera, jatetxea oso txarra eta garestia da, eta sukaldariak ez dira japoniarrak, txinatarrak baizik).

Kartaz gain, jatetxeak bi menu ezberdinak eskaintzen dizkigu, bata 23€gatik bestea 28€gatik (gehi BEZA, noski). Nire jabeek “Miyako” menua aukeratu zuten (merkeena, nola ez) eta entzun dudanaren arabera, menua liluragarria iruditu zitzaien, bakarrik haien iritziz bi plater ez zeukaten maila egokia. Edozer kasuan, hemen “Miyako” menua uzten dizuet:

Lehenak

• Biribilkitxoak Tokio estiloa
• Enpanadilla frijitua
• Otarrainska frijituak ogi birrinduarekin
• Otarrainska biribilkitxoa
• Itsaski “Maki” tempuran.
• Alga entsalada

Bigarrenak

• Izokin “Nigiri” sushi.
• Atunezko sashimi.
• Otarrainska gozo-lehor "Maki"
  

Postrea

• “Banana sushi” txokolatezko estalpenarekin

Iradokitzailea da, ezta? Gainera, nire jabeei plateren aurkezpena eta zerbitzarien azalpenak asko gustatu zitzaizkien. Bitxia da? Bai, agian bai, baina haiek zerbitzari jator batekin topo egin zuten. Agian horregatik plater bakoitza zer zen azaldu zien eta garrantzitsuena, nola jan behar ziren.

Laburbilduz, nire jabeen arabera, jatetxe honek 8.5 puntu 10en gainetik lortzen ditu. Beno, badakizue... noizean behin Logroñora joaten baldin bazarete eta ez badakizue zein jatetxe erabakitzea jateko eta horretaz gain zerbait berria frogatzeko gogoak baldin badituzue, “Miyako” jatetxean aukera ona daukazue.

Badaezpada, jatetxearen datuak utziko dizkizuet:

Miyako Teppanyaki jatetxea

Av. Gran Vía, 65

26005 Logroño

Tel: 941 220 366

Banana Muffinak

Miau!! Nola gustatzen zaidan hemendik (zuen iruzkinen eta errezeten artean) ibiltzea!! Batzuetan, interneteko katutxo zoragarria eta modernoena sentitzen naiz, eta bakarrik horregatik, gaur azalduko dizuet errezeta berri bat. Aurreko egunean, berriz egin zuten: sukaldera sartu ziren plater berri bat prestatzeko. Oraingo honetan ezkerrak eman behar dizkiot “Directo al paladar” web orrialdeari, gaurko errezeta handik atera zutelako. Beno, besterik gabe, gaurko erreza da: “Banana Muffinak”

“Muffinak”, hitz polita da, ezta? Baina badakit, agian pixka bat ezezaguna da baina beno, gure artean, “muffinak” madalenak dira (agian pixka bat handiagoak, baina azken finean, magalenak). Gainera, nire jabeek ustekabe txiki batekin topo egin zuten eta “muffin” erraldoiak lortu zituzten, flanak egiteko moldeak erabili zituztelako.

Hala eta guztiz ere, haiek hurrengo osagaiak erabili zituzten:

· 2 banana (ahal den neurrian, banana umutuak erabili)
· Arrautza bat
· Legamia koilaratxo bat
· Gatza koilaratxo erdi bat
· 70 gr. margarina
· 100 gr. azukrea
· 200 gr. irina


Osagaiak oso normalak dira, edozein supermerkatuan aurkitu ditzakezue, baina beno, hau ez da aitzaki bat postre txarra egiteko, eta kasu honetan, labetik atera den usaina da.... ains!! Primeran!! Biboteak behin eta berriz miazkatzeko...

Beno, lanera... nire jabeek bol batean bananak xehatu zituzten. Hori eginda, margarina deseginda (minutu batekin mikrouhinean nahikoa da), azukrea eta arrautza gehitu zituzten eta dena ondo irabiatu zuten ore homogeneo bat lortu arte.

Orea lortzen duzuenean irina bahetuta eta legamia gehitu behar dituzue. Azkenean, irabiatzen hasi baino lehen, gatza gehituko duzue eta memento horretan bai, irabiatzea tokatzen zaizue gogoekin, kar kar kar… Jabeek irabiagailua erabili zuten, pixka bat alferrak direlako… Beno gauza da nahasketa irabiatu behar duzuela ore uniforme bat eta pikorrik gabekoa lortu arte.

Azkenean, jabeek orea banatu zuten moldetxo batzuetan (puntu honetan, nire gomendioa da magalena moldeak erabiltzea, bestela magalena erraldoiak lortuko dituzue (nire jabeak bezala…).

Hau egin eta gero, haiek labea 180 gradutara ipini zuten eta berotu zenean, moldeak ipini zituzten eta labean 30 minutu uzten zuten.

Emaitza finala ez da txarra ezta?

Zer iruditzen zaizue? Niri, behintzat asko harritu ninduen errezeta hau! Miau!!

Brownia

Aurreko egunean nire jabetxo maitea (gaur bai... izen hau merezi du...) lanetik etorri zen 3 errezetekin, eta gainera denak, postreak egiteko. Hauek izan ziren: esne-gain eta txokolatezko enborra, madalenak eta etxeko brownia...

Hori entzun nuenean, ahogozoa egin zitzaidan. Postre berri bat frogatuko nukeelako!! Ai, ene!!

Egun batzuk pasa eta gero, etxeko brownia frogatu nuen eta... buah!! Primeran zegoen, eta noski, gaur azalduko dizuet nola egin zuten gozamen hau. Beraz, gaurko errezeta etxeko brownia da.

Hurrengo osagaiak erabili zituzten:

60 gr. irina
110 gr. azukrea
100 gr. margarina
125 gr. desegiteko txokolatea
Kafe koilaratxo bat legamia
3 arrautza

Errezeta hau erraz bezain gozoa da, bestela, hurrengo lerroak begira itzazue...

Bol batean arrautzak, irina eta azukrea ipini behar dituzue eta guztiarekin, ondo irabiatu behar duzue. Lehen, eskuzko irabiagailu batekin, gero, automatikoarekin.

Ondo irabiatuta dagoenean, margarina eta txokolatea desegin behar dituzue (nire jabeek mikrouhin-labean sartu eta minutu bat utzi zituzten). Hau eginez gero, bolan txokolatea deseginda gehitu behar duzue eta berriz, irabiatzea joko duzue.

Hau egin eta gero, haiek labea 180 gradutara ipini zuten eta berotu zenean, aurreko pausuan egindako orea, molde batean ipini zuten eta labean 20 – 25 minutu uzten zuten.

Hori da itxura ona, gainera dekoratuta marrubiekin, baietz?




Beste gauzatxo bat, brownia pertsonaliza dezakezue, eta gainera era erraza batean, adibidez: intxaur zehatuak orean gehitu ditzakezue eta buah! Primeran geratzen da.

Kuiatxo lasagna

Aurreko egunean, interneten nenbilen bitartean (bai, lagun batzuk dauzkat, eta haien artean, batzuk sukaldeko blogak dauzkate) errezeta berezi bat aurkitu nuen eta noski, denbora gehiegi galdu gabe nire jabetxo maiteari jakinarazi nion.

Hasteko, nire partetik eta noski, nire jabeen izenean “Sukaldean Jaten” blogaren idazleari eskerrak ematea gustatuko litzaiguke (bai, eskerrak ematea gustatuko litzaidake, baita miazkatuko nuke ere, baina.....)

Beno, gaurko errezeta kuiatxo pastel bat da, edo kuiatxo lasagna bat urdaiazpiko egosiekin eta gazta-xerrekin hain zuzen ere. Bai badakit, bitxia da baina nire jabearen arabera zapore oso originala eta oso berezia dauka. Uste du, merezi duela.

Errezeta hau egiteko, haiek hurrengo osagaiak prestatu zituzten (2 pertsonentzat):

Kuiatxo handi bat (txikiak badira, bi)

4 edo 5 urdaiazpiko egosia xerra

4 edo 5 gazta xerra

Arrautza bat

Irina

Gatza

Olioa

Lehenengo urratsa da kuiatxoa moztea (noski, garbituz gero), baina kontuz, kuiatxoa luzetara moztu behar duzue, xerra oso meheak (3 edo 4 milimetro lodierako) izan daitezen. Xerrak dauzkazuenean, gazitu eta gorde ditzakezue memento bat.

Plater batean irina eta beste platerean arrautza irabiatuta ipini behar duzue. Bai, oso azkarrak zarete! Kuiatxo-xerrak arrautza-irinetatik pasa beharko dituzue, eta hori egiteko, badakizue: zartagin bat olio samarrarekin sutan ipiniko duzue eta, olioa beroa dagoenean, kuiatxo-xerrak apurka-apurka olioan jarriko dituzue, ondo frijitzeko.

Une honetan, hobe da paper xukagarri baten gainean kuiatxo-xerrak ipintzea, soberan dagoen olioa xurgatzeko.

Azkenean, labeko molde batean, kuiatxo geruza bat jarri behar duzue eta, geruza eginda dagoenean, urdaiazpiko egosia geruza bat ipini behar duzue, gero gazta geruza bat eta horrela, osagai guztiak amaitu arte.

Bukatzeko, gaztaz hautseztatu eta labean sartuko duzue, gainerretzeko.

Ez dauka itxura txarra, ezta?

Plater hau koipetsua denez, pertsona batzuentzat agian ez da oso egokia. Baina hori konpondu dezakezue kuiatxo-xerrak arrautza-irinetatik pasatzen ez baldin badituzue, bestelako pausu guztiak mantenduz, noski. Horrela, dietan dauden pertsona horiek guztiak plater hau jan ahal izango dute.

Ahoa Jatetxea - Vitoria-Gasteiz

Lotsa? Zer da hori? Nik ez dut ezagutzen hitz horren esanahia! Gainera, aurreko egunean nire jabe maitagarriak esan zidaten “Nissi, ba al dakizu zenbat denbora daramazun ezer idatzi eta argitaratu gabe? Eta gauza pilo egin ditugu denboraldi honetan!”, eta, nahiz eta hitz horiek oso politak ez izan, nik ez nintzen lotsatu… alferkerietan ibiltzea asko gustatzen zait, ni bezalako katutxo maitagarriei deskantsatzea izugarri komeni zaiela uste dudalako. Baina, gaur aspertuta nagoenez, pentsatu dut zerbait iritsi behar nuela, ez duzue uste?

Artikulu honetan haiek frogatu duten azken jatetxearen azalpen bat egingo dizuet. Jatetxe honen izena “Ahoa” da, (nire ustez, izen hau oso aproposa da jatetxe baterako) eta Gasteizko Urriaren Hamabiaren kaleko lehenengo zenbakia kokatuta dago.

Aspalditik aitzaki on bat bilatzen zuten “Ahoa” jatetxera joateko, eta hau ailegatu zen nire jabe batek unibertsitatean atera zituen notak jakin zituztenean, bikainak izan baitziren. Horregatik, interneten bidez mahai bat erreserbatu zuten larunbat baterako, afari on batez gozatzeko asmoarekin.

Jatetxea oso polita eta nahiko modernoa da: solairua egurrez egina dago eta okre koloreduna da, zorua, egurrezkoa baita ere sotoetan inspiratua dago eta giroa edertzera laguntzen du. Gainera, jatetxeko giroa epela da, eta oso erraza da eroso sentitzea.

Jatetxeak dastapen menu bat dauka, eta bere prezioa 26€tik 32€ra doa, aukeratzen dugun ardoaren arabera aldatuz. Gainera, antzeko prezioa daukan menu berezi bat aukeratzea posible da, “obolaktobegetariano” izenekoa. (Ai ene! Zelako hitz arraroa!).

Haiek dastapen menua aukeratzea erabaki zuten eta, egia esateko, prezio horregatik, oso ondo zegoen:

Hasierako platerra:

Entsalada epela sagarrekin, bakailaoarekin eta ganbekin egina, saltsa berezi batekin apailatua.

Lehenengo platerra:

Arroz saldatsua “boletus” eta “foie” kremarekin.

Plater printzipala:

Txerri azpizuna patata eta barazki goarnizioarekin

Postreak:

Mango flana

Dena oso ondo prestatuta eta aurkeztuta zegoen, plater diseinu gainean antolatuak. Benetan, haiei asko gustatu zitzaien, eta ziur nago gehiagotan hara jatera edo afaltzera bueltatuko direla. Gainera, jatetxean dagoen giroa oso aproposa da afari erromantiko bat antolatzeko, baita lagunekin jatera joateko ere. Horretaz gain, bere prezioa oso ondo dago, garestiagoak diren jatetxe batzuk baino kalitate gehiago eskainiz.

Badaezpada, hemen jatetxearekin harremanetan ipintzeko daturik garrantzitsuenak utziko dizkizuet.

"Ahoa Jatetxea"

Urriaren hamabiaren kalea, 1. Zenbakia.

01004 Vitoria – Gasteiz (Araba)

Telefono zenbakia: 945 26 08 75