2017-08-20

Txokolatezko gailetak txokolatez betetak



Nahiz eta hasiera batean ez iruditu, uda garai mundiala da kapritxo batengatik gozatzeko. Hau dau, udan txokolatezko gailetak gozamen moduan erabili ahal ditugu, inongo arazorik gabe, are gehiago txokolatez betetak baldin badaude. Gaur gaileta miresgarri hauen errezeta zuekin partekatu nahi dugu.

Portzierto, ez izan beldurra errezeta honi. Ikusiko duzuen moduan, bere prestakuntza supermerkatuan gaileta goxoak eta osasuntzuak baino askoz errazagoa da.

Gaileta dozena bat prestatzeko (bere tamainaren arabera, noski), hurrengo osagaiak erabiliko ditugu:

215 g Irin
2 g gatz
2 g legamia-hauts
2 g bikarbonato
113 g gurin
70 g Kanabera-azukre
55 g Azukre zuri
1 Arrautza ertain
120 g Txokolateko txip (zuri edo beltz)
100 g Txokolate-krema

Hasteko, bol handi batean irina, legamia, bikarbonatoa, gatza eta bi azukre motak botako ditugu osagai guztiak ondo nahasi baino lehen.

Bol txiki batean arrautza ondo irabiatuko dugu hark bere tamaina bikoiztu arte. Jarraian, gurin bigunduta eta arraultz irabiatuta bol handira gehituko ditugu. Segidan osagai guztiak ondo nahastuko ditugu eskuekin ore sendo bat lortu arte.

Hori eginda dagoenean, masarekin errulo bat egingo dugu eta ondo filmatuko dugu paper filma edo laberako sulfuratutako papera erabiliz, eta gutxienez ordu erdi batez gordeko dugu hozkailuan.

Denbora hau pasatu eta gero, erruloa hartuko dugu eta diskoetara moztuko dugu (gutxi gora behera zentimetro bateko lodierako diskoak egin behar ditugu) eta zapalduko ditugu. Hori egin eta gero, txokolate-krema pixkatxo bat disko bakoitzaren erdialdean jarriko dugu eta diskoak itxiko ditugu bola bat eginez.

Labea 180 gradutara berotu eta gero, bolak gure labearen erretiluan jarriko ditugu eta labearen erdiko kokapenean 10 edo 12 minutuz utziko ditugu edo gailetak urrezko ertzak izan arte. Segidan, gailetak labetik aterako ditugu eta hozten utziko ditugu.

Hau da emaitza posible bat:


Txokolatezko gailetak txokolatez betetak
Txokolatezko gailetak txokolatez betetak

Eta barrutik….

Txokolatezko gaileta xehetasuna
Txokolatezko gaileta xehetasuna

 
Atsegingarriak, mendetasun-sortzaileak... gaileta bakarra jateko gauza izango zarete?

On egin!!

 

2017-07-16

Bakailao brandadako piper beteak



Gure esparru txikitxoa denbora pilo bat eguneratu gabe egon eta gero, gaur bueltan gaude errezeta berri batekin, protagonista bezala bakailaoa, gure gogokoenetariko arrain bat, duena. Duela hilabete batzuk Kataluniako sukaldaritzako plater tradizionalenetako bat, “bakailao-brandada”, nola prestatzen den azaldu genizuegun, eta gaur errezeta horri beste ikuspegi bat emango diogu, baita zapore berri bat ere.

Bai, gaur “Bakailao brandadako piper beteak” prestatuko ditugu. Hau da, hasiera batean esparru honetara plater nagusi bat prestatzeko ekarri genuen errezetarekin, erabilera anitzak izan ahal dituen beste batera pasatzen gara, bai plater nagusi bezala baita pintxo batzuk prestatzeko egokia izanik.

Bi anoetarako hurrengo osagaiak behar izango ditugu:

Pikilloko 12 piper
100 g tomate birrindua
Baratxuri atal bat
Gazta birrinduta

Lehendabizi egingo duguna brandada prestatzea izango da, eta, horretarako, egin behar duzuena da esparru honetan zuekin partekatu genuen eta lotura honetantopatuko duzuen errezeta miresgarria jarraitu (kar kar).

Brandada prest dagoenean, eltze txiki bat hartuko dugu eta bere barnean 4 pikillo moztuta, baratxuri atala ondo txikituta eta tomatea botako ditugu, nahasketa su motelean 20 minutuz sueztitzen utziz. Denbora hau pasatu eta gero, osagaiak irabiagailuaren basora pasatuko ditugu, nahasketa saltsa baten antza izan arte irabiatuz eta, amaitu bezain pronto, prestakina gordeko dugu.

Zartagin handi batean oliba-olio txorrotada bat jarriko dugu eta su ertainetara utziko dugu. Olioa beroa dagoenean pikilloak jarriko ditugu, eta sutan minutu pare batez alde bakoitzetik gutxi gora behera izango ditugu, eginak egon bezain pronto sutatik kenduz piperrak gordetzeko asmoarekin.

Azkenik, koilaratxo baten edo gozogintza-mahuka baten laguntzarekin pikilloak brandadaz beteko ditugu eta laberako egokia den katilu batean ipiniko ditugu. Segidan, lehen prestatu dugun saltsarekin eta birrindutako gazta pixka batekin estaliko ditugu.

Minutu batzuk gainerretzen utzi eta gero, gure piperrak zerbitzatzeko prest egongo dira.

Bakailao brandadako piper beteak


On egin!!

2017-05-11

Kuiatxoko eta limoiko bizkotxo



Gaur zuen askariak edo gosariak pixka bat pozteko asmoarekin itzultzen gara eta, horretarako, leuna, erraza eta goxoa den errezeta bat ekartzen dizuegu. Bai, gaur “Kuiatxoko eta limoiko bizkotxo” bat nola prestatzen den azalduko dizuegu, atsegina eta harrigarria dela uste dugulako.

6 edo 8 anoako bizkotxo bat egiteko hurrengo osagaiak erabiliko ditugu:

56 g Irin osoa
56 g Indar-irina
Arrautza ertain bat
55 g Kanabera-azukre
55 g Azukre zuri
82 g Ekilore-olio
2 g Bikarbonato
2 g Gatz
112 g Birrindutako kuiatxoa
Limoi bateko birrindura


Osagaiak prest daudenean, labea 180 gradutara berotzera ipiniko dugu, horretarako goiko eta beheko beroa aukeratuz.

Labea berotzen ari den bitartean, arrautza, olioa eta azukrea bol batean jarriko ditugu eta energikoki irabiatuko dugu osagai guztien lotura lotu, hau da, lortutako testura aparduna izan arte.

Behin eginda, irinak, bikarbonatoa eta gatza gehituko ditugu eta ondo nahastuz osatuko ditugu. Jarrian, kuiatxoa eta limoi-birrindura gehituko ditugu eta berriz dena ondo integratuko dugu.

Dena ondo osatuta dagoenean, laberako egokia den molde bat hartuko dugu, gurin pixka batekin igurtziko dugu eta masa bere barruan era uniformean sakabanatuko dugu.

Labea 180 gradutara iritsi denean, moldea labean sartuko dugu eta han 35/40 minutuz utziko dugu (35 minututik aurrera bera egosketa kontrolatuko dugu zotz batekin zulatuz).

Hona hemen gure emaitza:


Kuiatxoko eta limoiko bizkotxo
Kuiatxoko eta limoiko bizkotxo bat



Arrakasta bermatzen dugu!

On egin!!