2013-04-21

Izokina papillot

Uste dut noizbait azaldu dizuedala izokina oso gustuko daukadala, ezta? Zalantzarik gabe, izokina nire arrainik gustukoena da. Beno, aurreko egunean, nire jabe maiteek izokin errezeta berri bat prestatzen ustekabean harrapatu nituen eta, ikusi nuena izugarri gustatu zitzaidanez, zuei errezeta hau azaltzea erabaki dut, gustuko izango lizuekeela pentsatu dudalako

Izokin hau papillot erara prestatuta dago, hori bai, patata purea soia ukitu batekin lagunduta. Platera gogoratzen dudan bakoitzean, ahogozoa egiten hasten zait, meh, meh, meh!!

Asko gustatu zitzaidan eta gaur zuekin partekatuko dut. Prestatzeko, hurrengo osagaiak erabiliko dituzue (anoa bakoitzerako):

Izokin zati bat (edo xerra bat)
Patata ertaina bat
Barazkitxoak (alberjinia, kuiatxoa, tipula, azenarioa eta abar)
Gatza
Piperbeltza
Olioa
Soja saltsa

Beharbada korapilatsu irudituko zaizue, baina papillot bat egitea sukaldaritzan dauden gauzarik errazenetariko bat da. Begira ezazue bestela:

Egingo duzuen lehena aluminiozko papereko zati handi bat moztea izango da, zabalduko duzue eta erdi erdian izokina jarriko duzue. Geroago gatza eta piperra pixka bat bota beharko duzue. Arrainaren gainean, xerraz ondo moztutako barazkia ipiniko duzue zuen gustura (nire jabeek ipini zituzten: alberjinia, tipula, kuiatxoa eta azenario pixka bat). Azkenik, gatza eta olioa gehituko dituzue.

Hori eginda daukazuenean, aluminiozko papera tolestuko duzue arrainaren gainean eta alde bakoitza elkartuko duzue. Segidan, alde bakoitza tolestuko duzue hainbat aldiz, pakete hermetikoa utzi arte. Urrats hau oso garrantzitsua da, paketearen hermetismoa ziurtatu behar duzuelako.

Hori eginda dagoenean, egindako paketea labean sartuko duzue 180 gradutara eta han mantenduko duzue aluminioa globo baten itxura lortu arte. Hori lortu duzuenean, izokina eginda edukiko duzue.

Egosten den bitartean, patata ertain bat hartuko duzue, lumatuko duzue eta egostera jarriko duzue. 20 minutu geroago aterako duzue eta plater batean ipiniko duzue soia saltsa zurrusta batarekin. Segidan, sardexka batez zapalduko duzue patata, pure baten antzeko zerbait lortu arte.

Azkenik, bakarrik platera aurkeztea faltako zaizue. Hori egiteko, kontuz joan beharko zarete, aluminioko arraina kentzea arriskutsua delako (paketea baporez beteta dago). Nire jabeek, horrela aurkeztu zuten platera:





 
Huts bat gordetzen dizuet mahaian?

2013-04-14

Best Blog saria



Aurreko egunean ustekabe atsegina izan nuen (pasa den urteko amaieran izandako ustekabeen antzekoak) Gèniak, “El receptari” blogaren arduradunak, saritxo bat (edo esker ona) eman zidan, Best Blog saria izenekoa. Jasotako saria honako hau da:



Polita da, ezta? Niri asko gustatzen zait, benetan, ia ia arrain plater on bat bezain beste gustatzen zait, meh meh meh!! Benetan, mila esker Gènia txoko txiki honetan pentsatzeagatik.

Saritxo hau lortzeko arau bi basiko daude, eta hauek dira:


  • Galdera-sorta bat hamar galderekin erantzun.
  • 20 blog edo web-orrialde aukeratu.

Hemen uzten dizuet galdera-sorta nik eman ditudan erantzunekin batera:


  1. Noiztik daukazu blog hau? Duela lau urte baino gehiagotik, 2009ko irailetik hain zuzen ere.
  2. Zein da zure errezetarik bisitatuena? Ba… nire alegiazko “tortilla patata
  3. Nola hasi zen zure afizioa janariagatik? Jaten… eta noski, nire jabe maiteek sukaldean gozatzen ikusiz.
  4. Afizio honek badauka erlaziorik zuen lanarekin? Nik lan egiten? Meh meh meh!! Ez, ez dauka erlaziorik, soilik denbora-pasa galanta bat da.
  5. Noiz erabaki zenuten blog hau egitea? Azken udaren amaieren egunean… pare hori izokin konbinatua plater bar prestatu zuten afaltzeko, eta pentsatu nuen: “Hau jakin behar du jendea!” eta harrezkero hemen nago.
  6. Helburua? Apur bat esperimentatzeko eta bestea gutxi jakintza partekatzeko (beno, nire jakintza ez, nire jabe maiteena baizik)
  7. Uste duzu informazio gastronomikoa trukatzeko forma ona dela? Bai, noski!! Oraintxe bertan blogak telebista-saioak edo sukaldaritza aldizkariak baino informazio gehiago ematen dute.
  8. Parte hartu duzu sukaldaritza lehiaketaren batean beste blog batzuen kontra? Inoiz, katutxo onak bezala, ahal dudanean idazten dudalako, hau da, gauza hoberik egiteko ez daukadanean (luzatzea, miazkatzea, kuluxka egitea eta abar).
  9. Ba al daukazute blog egile famaturen bat erreferentzia bezala? Noski baietz, nire jarraitzaile guztiak dira, niretzat, kontuan hartu beharreko idazle famatuak.
  10. Zer errezetan egiten ari zarete lan momentu hauetan? Nik lan egiten? Ez dakit ba… Beno, amaitzen dudanean blogan zintzilikatzen dut zuek ikus dezazuen.


Gomendatzen ditudan 20 blogak best blog saria lor dezaten honako hauek dira: